میرا نیا گانا نوجوانوں کیلئے محبتوں کے عالمی دن پر خاص تحفہ ثابت ہوگا سائرہ پیٹر

حال ہی میں پاکستان برطانوی اوپیرا سنگر سائرہ پیٹر نے اپنے نئے گانے ’یہ زندگی کبھی ہار نہ مانے‘ کی جھلک جاری کی تھی جسے شائقین کی جانب سے خوب سراہا گیا تھا تاہم اب انہوں نے ویلنٹائن ڈے کے لئے مخصوص گانا ریلیز کر دیا ہے-

باغی ٹی وی : گانے کی ویڈیو میں بین الاقوامی شہرت یافتہ ڈانسر گروپ نے حصہ لیا اور گانے کی موسیقی نامور فلمی موسیقار توفیق قریشی نے دی ہے۔

سائرہ پیٹر کا یہ پارٹی سونگ نوجوانوں کے لیے محبتوں کے عالمی دن پر خاص تحفہ ثابت ہوگا۔

اس گانے ’زندگی کبھی ہار نہ مانے‘ کے بارے میں پاکستان کی پہلی اوپیرا سنگر سائرہ پیٹر کا کہنا ہے کہ میں نے اب تک سنجیدہ گیت اور صوفیانہ کلام زیادہ گائے ہیں۔ پہلی بار نوجوانوں کی پسند کو سامنے رکھتے ہوئے یہ گانا ریلیز کیا ہے۔

سائرہ پیٹر نے اپنے نئے گانے کے بارے میں کہا کہ یہ زندگی کبھی ہار نہ مانے‘ میں ایک خاص پیغام دیا گیا ہے کہ نوجوان زندگی سے بھرپور پیار کریں۔

انہوں نے کہا کہ زندگی ایک بار ملتی ہے، ہمیں اس کی قدر کرنی چاہیے اور زندگی میں امید کا دامن تھام کر آگے بڑھنا چاہیے اُمید کا دامن ہرگز نہ چھوڑیں اور اپنی صلاحیتوں سےدنیا بھر میں نام روشن کریں۔

سائرہ نے کہا کہ موسقار توفیق قریشی نے کمال کی موسیقی ترتیب دی ہے میں نے کوشش کی کہ یہ گانا نوجوانوں کے دل جیت لے گا کیونکہ موسیقی سننے والوں میں سب سے زیادہ تعداد نوجوانوں کی ہے جو کسی بھی گانے کو سپر ہٹ کروانے میں نمایاں کردار ادا کرتے ہیں-

زندگی ایک بار ملتی ہے، ہمیں اس کی قدر کرنی چاہیے ،سائرہ پیٹرکا نئے گانے میں نوجوانوں کو پیغام

جواب چھوڑیں

آپ کا ای میل ایڈریس شائع نہیں کیا جائے گا.