میرے بیٹوں نے میرا ساتھ دے کر مجھے زندگی کے بہترین لمحات دیئےعرفان خان

بھارتی اداکار عرفان خان کا کہنا ہے کہ میرے بیٹے جس عمر میں ہیں اس عمر کے لڑکے کھیل کود اور دوسری سر گرمیوں میں مصروف رہنا پسند کرتے ہیں لیکن میرے بیٹوں نے میرا ساتھ دے کر مجھے زندگی کے بہترین لمحات دئیے ہیں

بھارتی میڈیا کی ایک رپورٹ کے مطابق گذشتہ دو سالوں سے کینسر جیسے جان لیوا مرض سے لڑنے والے بالی ووڈ اداکار عرفان خان کا کہنا ہے کہ ہماری زندگی رولر کوسٹر کی ایک یادگار سواری کی طرح ہوتی ہے جہاں ہم شور مچاتے ہیں ڈرتے ہیں خوش ہوتے ہیں ہنستے اور روتے ہیں

اداکار نے کہا کہ ہم اپنی زندگی میں تھوڑا روتے ہیں اور زیادہ مسکراتے ہیں اور یوں ہی دیکھتے ہی دیکھتے ہم بڑے ہوجاتے ہیں

بھارتی اداکار نے کہا کہ میں نے اپنی زندگی میں ایک مشکل وقت دیکھا ہے اور ہمت کرکے کسی نہ کسی طرح اس لمحے میں خود پر قابو پاکر برداشت کیا ہے

اُنہوں نے بیٹوں کے حوالے سے کہا کہ میرے بیٹے جس عمر میں ہیں اس عمر کے لڑکے کھیل کود اور دوسری سر گرمیوں میں مصروف رہنا پسند کرتے ہیں لیکن میرے بیٹوں نے میرا ساتھ دے کر مجھے زندگی کے بہترین لمحات دئیے ہیں

عرفان خان نے اپنی اہلیہ کے حوالے سے بات کرتے ہوئے کہا کہ میرے مشکل وقت میں میری اہلیہ نے میرا بہت ساتھ دیا وہ 24 گھنٹے میرے ساتھ رہتی تھیں میری دیکھ بھال کرتی تھیں آج جس مقام پر ہوں صرف اپنی اہلیہ کی وجہ سے ہوں اگر میں زندہ رہوں گا تو صرف اپنی اہلیہ کے لیے زندہ رہوں گا

عرفان خان نے اپنی نئی آنے والی فلم انگریزی میڈیم کا ٹریلرسوشل میڈیا پر شیئر کرتے ہوئے اپنا ایک ویڈیو پیغام جاری کیا تھا جس میں انہوں نے کہا تھا کہ میں اس دنیا میں ہوں بھی اور نہیں بھی لیکن فلم انگریزی میڈیم میرے لیے بہت خاص ہے اور یقین مانیں میری دلی خواہش تھی کہ میں اس کی تشہیر اسی محبت سےکروں گا جس پیار و محبت سے ہم نے اس کو بنایا ہے

عرفان خان نے اپنے مرض کے حوالے سے کہا تھا کہ اس وقت میرے جسم میں ایک مرض نشونما پارہا ہے اس سے لڑائی جا ری ہے دیکھتے ہیں اب کس کروٹ اونٹ بیٹھتا ہے جو بھی ہو گا آپ کو اطلاع کر دی جائے گی لیکن میں پھر بھی اپنی فلم کی تشہیر کروں گا

بھارتی اداکار نے کہا تھا کہ ہم نے اس فلم کو پوزیٹیویٹی کے ساتھ بنایا ہے اورمجھے امید ہے کہ یہ فلم آپ کو سکھائے گی ہنسائے گی رلائے گی اور پھر سے ہنسائے گی

انہوں نے کہا تھا کہ ’آپ اس کے ٹریلر سے ہی لطف اندوز ہوجائیں گے اور ایک دوسرے کے ساتھ مہربان رہیں

واضح رہے کہ عرفان خان کی فلم انگریزی میڈیم رواں ماہ 12 مارچ کو ریلیز کی جائے گی اس فلم میں عرفان خان کے ساتھ اداکارہ کرینہ کپور بھی اپنی اداکاری کے جوہر دکھائیں گی

دنیا میں ہر کسی کی کوئی جگہ لے سکتا ہے لیکن اداکار کی کوئی جگہ نہیں لے سکتا محمود اسلم