میرے لیے محبت آکسیجن کی مانند ہے اسکے بغیرزندگی گزارنے کا تصور بھی نہیں کرسکتی شمیتا شیٹھی

بالی ووڈ کی معروف اداکارہ شلپا شیٹھی کی بہن اوراداکارہ شمیتا شیٹھی کا کہنا ہے کہ میرے لیے محبت آکسیجن کی مانند ہے اور اس کے بغیر میں زندگی گزارنے کا تصور بھی نہیں کرسکتی۔

باغی ٹی وی : اداکارہ شلپا شیٹھی کی بہن شمیتا شیٹھی نے ایک انٹرویو میں شادی کے حوالے سے پوچھے گئے سوال کے جواب میں کہا کہ میری فیملی بھی مجھے سنگل دیکھ کر تنگ آچکی ہے اب وہ مجھے رشتہ ازدواج میں منسلک ہوتا دیکھنا چاہتے ہیں سچ کہوں تو میں خود بھی سنگل رہنے سے عاجز آچکی ہوں۔

ہمسفر کیسا ہونا چاہیئے اس کے جواب میں شمیتا نے یہی کہا کہ جہاں ہمسفر کی بات آتی ہے تو آپ کو اپنے مطابق صحیح شخص کا انتخاب کرنا چاہیے کیوںکہ آپ کو باقی زندگی بھی اسی شخص کے ساتھ گزارنی ہوتی ہے-

اداکارہ نے کہا کہ میں اُن لوگوں میں سے نہیں جو کہ شادی کرنے کے چکر میں غلط ہم سفر کا انتخاب کر لیتے ہیں۔

شمیتا نے مزید کہا کہ میں ایسے ساتھی کی تلاش میں ہوں جس میں احساس ہو، دیانت دار، ذہین، مخلص اور ہنسی مذاق کرنے والا ہو یہاں تک کہ میری اُمیدوں پر پورا اترتا ہو کیوںکہ میرے لیے محبت آکسیجن کی مانند ہے اور اس کے بغیر میں زندگی گزارنے کا تصور بھی نہیں کرسکتی۔