10 سال قبل میسی کے ساتھ تصویر بنوانے والا مداح،میسی کا ہیرو بن گیا

دس سال قبل بطور فین میسی کے ساتھ تصویر بنوانے والا بچہ سیمی فائنل میں ارجنٹائن کا ہیرو بن گیا-

باغی ٹی وی : فٹبال کی دنیا کے مایہ ناز کھلاڑی ارجنٹائن کے لیونل میسی کے مداح کی حیثیت سے 10 سال قبل اُن کے ساتھ تصویر کھنچوانے والے الواریز 10 برس بعد قومی ٹیم میں میسی کے ساتھ ورلڈ کپ اسکواڈ کا حصہ بنے-

الواریز کا خواب بھی میسی کی طرح اپنے ملک کی نمائندگی کرنا اور ورلڈ کپ کھیلنا تھا جو جاری ورلڈ کپ میں پورا ہوگیا، نہ صرف الواریز کا خواب پورا ہوا بلکہ اُنہوں نے کروشیا کے خلاف سیمی فائنل میں دو گول بھی کیے۔

کروشیا کے خلاف میچ کے پہلے ہاف میں میسی نے 34 ویں اور جولیان الواریز نے 39 ویں منٹ میں گول کرکے اپنی ٹیم کی پوزیشن مستحکم کی جبکہ میچ کے دوسرے ہاف میں کپتان لیونل میسی کے شاندار پاس کی وجہ سے جولیان الواریز نے میچ کے 69 ویں منٹ میں دوسرا گول کر کے اپنی ٹیم کے فائنل میں جانے کے خواب کو یقینی بنا دیا-

پاکستان سپر لیگ سیزن 8: ڈائمنڈ کیٹیگری کیلئے79غیرملکی کھلاڑیوں کےناموں کا اعلان

پہلا گول اُنہوں نے تنہا اپنی کوششوں سے کیا جب وہ اپنے ہاف سے گیند لے کر چلے اور اُس کو حریف کے جال میں پہنچا کر ہی دم لیا،اس موقع پر ساتھی کھلاڑی کی حیثیت سے اُن کوسب سے پہلے مبارک باد دینے والے میسی تھے، وہ بھی الواریز کے اس انداز سے گول کرنے پر اُن کے مداح ہوگئے۔

الواریز نے کروشیا کے خلاف دو گول کرکے اپنے ہیرو میسی سے داد وصول کی، جو شائد اس کی زندگی کا حسین ترین لمح ہو گا، کیونکہ یہ وہی الواریز ہے جس نے دس سال قبل میسی کے ساتھ بطور فین تصویر بنوائی تھی، اور اب وہ اپنے کپتان کا ورلڈ کپ جیتنے کے خواب میں اہم کردار ادا کر رہے ہیں۔

واضح رہے فیفا ورلڈ کپ 2022 کے پہلے سیمی فائنل میں لیونل میسی کی ارجنٹینا کروشیا کو 3 صفر سے شکست دے کر چھٹی بار فٹ بال ورلڈ کپ کے فائنل میں پہنچ گئی۔

مراکش کے اسٹار فٹبالر حکیم زیچ نے ساری تنخواہ غریبوں میں بانٹ دی