میٹروبس سروس میں چوری کی وارداتیں کرنیوالا لیڈی گینگ کو گرفتار

راولپنڈی: میٹروبس سروس میں چوری کی وارداتیں کرنے والے لیڈی گینگ کو گرفتار کرکے ان سے دو مسروقہ موبائل اور 4 لاکھ 50 ہزار روپے برآمد کر لیے-

باغی ٹی وی : پولیس کے مطابق گینگ کی ارکان میٹروبس پر سوار ہوکر دیگر خواتین کے ساتھ واردات کرتی تھیں،وارث خان پولیس نے کاروائی کرتے ہوئے میٹرو بس سروس میں چوری کی وارداتیں کرنے والے لیڈیز گینگ کو گرفتار کر لیا،لیڈی گینگ کی گرفتار ارکان کی شناخت مریم، مختیاراں اور صنم کے نام سے ہوئی، گینگ وارث خان پولیس کو متعدد مقدمات میں مطلوب تھا-

پولیس کے مطابق لیڈی گینگ کا ٹارگٹ میٹروبس پر سوار ہونے والی خواتین ہوتی تھیں، لیڈی گینگ نے دوران تفتیش درجنوں وارداتوں کا انکشاف کیا ہے، مطلوب و متحرک گینگ کی گرفتاری پر ایس پی راول فیصل سلیم نے ایس ایچ او وارث خان اور ٹیم کو شاباش دیتے ہوئے کہا کہ ملزمہ گینگ کو ٹھوس شواہد کے ساتھ چالان کر کے قرارواقعی سزا دلوائی جائے گی،شہریوں کو قیمتی اثاثے سے محروم کرنے والے قانون کی گرفت سے نہیں بچ سکتے۔

لاہور: بجلی چوری کی روک تھام کیلئے پانچوں اضلاع میں سکیننگ میٹر نصب

دوسری جانب لاہور میں پولیس نے لون ایپلیکیشن کی آڑ میں خواتین کی نازیبا تصاویر اور ویڈیوزبنانے والے 3 ملزمان کو گرفتار کرلیا سپرنٹنڈنٹ آف پولیس ( ایس پی) آرگنائزڈ کرائم فرقان بلال نے بتایاکہ گرفتار ملزمان انٹرنیٹ پر لون ایپ کے ذریعے شہریوں کو بلیک میل کر کے پیسے بٹورتے تھے،ملزمان قرضہ لینے والی فیملیز کو ویڈیو کال کر کے اسکرین شارٹ لیتے اور خواتین کی تصاویرایڈٹ کرکے بلیک میل کرتے تھےملزمان بلیک میل کر کے بھاری رقم وصول کرتے تھے ملزمان سے 6 لیپ ٹاپ، ایڈٹ کرنے والی ڈیوائس اور لاکھوں روپے نقدی برآمد کرلی ہے۔

سیکریٹری وزارتِ اطلاعات ظہور احمد عہدے سے فارغ