محکمہ اوقاف پنجاب قادیانیوں کو نوکری دینے لگا

0
53

باغی ٹی وی کی رپورٹ کے مطابق پنجاب کا محکمہ اوقاف قادیانیوں کو نوکریاں دینے لگا، اوقاف کی ہسپتال میں تمام تر قوانین کو بالائے طاق رکھتے ہوئے احمدی ڈاکٹر کو بھرتی کر لیا گیا

باغی ٹی وی ذرائع کے مطابق محکمہ اوقاف پنجاب کے زیر اہتمام داتا دربار کے قریب ڈینٹل ہسپتال چل رہا ہے، اس میں ڈینٹل سرجن کی ایک آسامی آئی تو پنجاب پبلک سروس کمیشن نے اشتہار جاری کیا، اس اشتہار کے بعد 144 امیدواروں نے بھرتی کے لئے درخواستیں جمع کروائیں

باغی ٹی وی ذرائع کے مطابق درخواستوں کے بعد کسی امیدوار کا تحریری امتحان نہیں لیا گیا جو کہ ضروری تھا نہ ہی اوپن شارٹ لسٹ جاری کی گئی بلکہ کسی بھی امتحان کے بغیر امیدواروں کو بذریعہ ای میل بتایا گیا کہ آپ کی یہ میرٹ لسٹ بنتی ہے،اسکے بعد ایک قادیانی ڈاکٹر کو صرف انٹرویو کی بنیاد پر ہسپتال میں تعینات کر دیا گیا.

پنجاب کے محکمہ اوقاف کے ہسپتال میں قادیانی ڈاکٹر کی بغیر تحریری امتحان کیسے تعیناتی ہوئی ،اس معاملے کی تحقیقات ہونی چاہیے۔ اور ذمہ داران کے خلاف کاروائی ہونی چاہئے۔ پنجاب پبلک سروس کمیشن نے تحریری امتحان کیوں نہ لیا اس کی بھی انکوائری ہونی چاہئے

پنجاب پبلک سروس کمیشن صوبہ پنجاب میں میں سرکاری ملازمین رکھنے کا ذمہ دار ادارہ ہے۔ گزشتہ دس سال سے میڈیکل یا ڈینٹل کے شعبے میں بھرتیاں محض انٹرویو کی بنیاد پر ہوتی رہی ہیں۔ ایک نشست پر امیدواروں کی تعداد جب ایک مخصوص نمبر سے بڑھ جائے تو قانون کے مطابق پبلک سروس کمیشن تحریری امتحان لینے کا مجاز ہے۔ لیکن میڈیکل جیسے حساس شعبے میں ایسا کبھی نہیں ہوا۔ انٹرویو کی بنیاد پر بھرتیاں ہوتی ہیں اور سفارش کلچر عام ہے۔ اس حوالہ سے بھی تحقیقات کی ضرورت ہوتی ہے کہ امیدواروں کا تحریری امتحان کیوں نہیں لیا جاتا؟

قادیانی آئین کی خلاف ورزی اور توہین عدالت کا مسلسل ارتکاب کر رہے ہیں، حافظ عاکف سعید

کابینہ کے کتنے اراکین نے اقلیتی کمیشن میں قادیانیوں کی شمولیت کی حمایت کی تھی؟ وزیر مذہبی امور بول پڑے

ختم نبوت کے عقیدے پر موجودہ حکومت کا ایک اور ڈاکہ

پنجاب پبلک سروس کمیشن کی جانب سے ہسپتال میں ڈینٹل سرجن کی تعیناتی کے لئے جو میرٹ لسٹ جاری کی گئی اس میں پہلے نمبر پر احمدی ڈاکٹر سجیل احمد ولد محمد احمد اشرف سکنہ جھنگ کا نام لکھا گیا اور اسے ہی انٹرویو کرکے تعینات کر دیا گیا

باغی ٹی وی کو دستیاب دستاویزات کے مطابق محکمہ اوقات کی ہسپتال میں تعینات ڈاکٹر سجیل قادیانیوں کی ڈاکٹروں کی تنظیم احمدیہ میڈیکل ایسوسی ایشن لاہور کا سیکرٹری جنرل ہے، باغی ٹی وی کو ڈاکٹر سجیل کی جانب سے بطور سیکرٹری جنرل تنظیم کی جانب سے مختلف ڈاکٹرز کو لکھے گئے خطوط ملے ہیں ،ڈاکٹر سجیل کے شناختی کارڈ اور ان خطوط پر ایک ہی طرح کے دستخط ہیں

احمدی میڈیکل ایسوسی ایشن کے لیٹر پیڈ پر ڈاکٹر کی جانب سے لکھے گئے لیٹر موجود ہیں،باغی ٹی وی کو احمدی میڈیکل ایسوسی ایشن کے رکن ڈاکڑز کی فہرست بھی موصول ہوئی ہے جس میں‌ ڈاکٹر سجیل کا نام موجود ہے

[wp-embedder-pack width=”100%” height=”400px” download=”all” download-text=”” attachment_id=”265279″ /]

[wp-embedder-pack width=”100%” height=”400px” download=”all” download-text=”” attachment_id=”265278″ /]

باغی ٹی وی نے ہسپتال ذرائع سے بھی خبر کی تصدیق کی جس کے بعد اس خبر کو شائع کیا جا رہا ہے، باغی ٹی وی نے پنجاب کے وزیر اوقاف پیر سید سعید الحسن سے بھی رابطے کی کوشش کی لیکن ان سے رابطہ نہ ہو سکا، انکی طرف سے جو بھی موقف آئے گا اسکو من و عن شائع کیا جائے گا

Leave a reply