سابق ممبر قومی اسمبلی میاں گل عدنان اورنگزیب ٹریفک حادثے میں جاں بحق
ہری پور میں ٹریفک حادثے میں سابق ممبر قومی اسمبلی میاں گل عدنان اورنگزیب جاں بحق ہوگئے۔
باغی ٹی وی: خاندانی ذرائع نے میاں گل عدنان اورنگزیب کے ٹریفک حادثے میں انتقال کی تصدیق کی ہے میاں گل عدنان اورنگزیب ہزارہ یونیورسٹی سے لیکچر کے بعد واپس سوات جارہے تھےکہ راستے میں ان کی گاڑی حادثے کا شکار ہوئی جس کے نتیجے میں وہ جاں بحق ہوگئے۔
صوبہ پنجاب میں کابینہ کی تشکیل، پہلے مرحلے میں 8 وزرا حلف اٹھا لیا
عدنان اورنگزیب سابق گورنر اور گائیڈز سی اے وی آفیسر مرحوم کیپٹن میاں گل اورنگزیب کے بیٹے جبکہ سپریم کورٹ کے جسٹس حسن باچا خان کے بھائی تھے مذہبی سیاحت کا ورثہ اور فروغ ان کے دل کے بہت قریب تھا۔ کے پی نے آج ایک نایاب جواہر کھو دیا ہے۔
سی ٹی ڈی کی کاروائی، بھاری مقدار میں بم تیار کرنے کا سامان برآمد
ٹریفک حادثے میں وفات پانے والے میاں گل عدنان اورنگزیب میاں گل اورنگزیب کے صاحبزادے تھے۔ 1997 میں والد کے گورنر بننے کے بعد ضمنی الیکشن میں MNA منتخب ہوئے۔ وہ والئی سوات میاں گل جہانزیب کے پوتے، سابق صدر ایوب خان کے نواسے، سابق وزیر عمر ایوب خان کے پھوپھی زاد بھائی اور بہنوئی تھے۔
وزیراعلیٰ خیبر پختونخوا محمودخان نے میاں گل عدنان اورنگزیب کے انتقال پر اظہار افسوس کرتے ہوئےکہا ہےکہ وہ اہل خانہ کے غم میں برابرکے شریک ہیں۔ عوامی نیشنل پارٹی کے رہنما میاں افتخار حسین کا کہنا تھا کہ شہزادہ میاں گل عدنان اورنگزیب (عدنان باچا) سڑک حادثے میں انتقال کر گئے۔ وہ ڈاکٹر محمود اورنگزیب اور اسلام آباد ہائی کورٹ کے جسٹس میانگل حسن اورنگزیب کے بڑے بھائی جبکہ سابق گورنر خیبر پختونخوا اور بلوچستان میانگل اورنگزیب ولی عہد کے فرزند تھے ۔