شہباز شریف کوٹ لکھپت جیل نواز شریف کے لیے اہم پیغام لے کر گئے ، یہ پیغام کس کا تھا ، ضرور جانیئے

0
39

لاہور:قومی اسمبلی میں اپوزیشن لیڈر میاں شہباز شریف کوٹ لکھپت جیل میں اپنے بڑے بھائی نواز شریف سے ملاقات کے لیے آج پہنچے ، اطلاعات یہی ہیں کہ میاں شہباز شریف میاں نواز شریف کے لیے کوئی اہم اور خاص پیغام لے کر پہنچےہیں. ذرائع کے مطابق میاں شہباز شریف شریف خاندان پر مقدمات کے حوالے سے مشاورت کرنے آئے تھے.

ذرائع کے مطابق کوٹ لکھپت جیل میں دونوں بھائیوں کے درمیان ملاقات دو گھنٹے سے زائد جاری رہی۔ میاں برادران نے دوپہر کا کھانا بھی مل کر کھایا۔ اس دوران شہباز شریف نے میاں نواز شریف سے عید بھی ملی۔ذرائع کے مطابق سابق وزیراعلیٰ پنجاب نے ملاقات کے دوران اپنے بھائی کو گزشتہ روز مریم نواز اور حمزہ شہباز سے ہونے والی ملاقات کے حوالے سے آگاہ کیا۔ ملاقات میں ملکی موجودہ سیاسی صورتحال پر بھی تبادلہ خیال کیا گیا۔

ذرائع کے مطابق اس ملاقات کے دوران سابق وزیراعظم میاں محمد نواز شریف نے مسلم لیگ ن کے صدر کو ہدایت دی کہ سیاسی صورتحال پر نظر رکھی جائے اور پارٹی کارکنان کو متحرک کیا جائے۔ یہ بھی معلوم ہوا ہےکہ میاں برادران نے آئندہ کے لیے حکمت عملی طئے کی ہے.

Leave a reply