ویڈیو سکینڈل، میاں‌ طارق کی رہائش گاہ سے اہم دستاویزات، گاڑی اور سی ڈیز قبضہ میں لے لی گئیں

ویڈیو اسکینڈل کے مرکزی کردارمیاں طارق محمود کی ملتان میں رہائش گاہ پر ایف آئی اے کی طرف سے چھاپے پر متعدد یوایس بیز قبضے میں لے لی گئی ہیں، ایف آئی اے کی جانب سے گرفتار کئے گئے میاں طارق اور بیٹے میاں فیصل سے تفتیش کی گئی.

باغی ٹی وی کی رپورٹ‌ کے مطابق ایف آئی اے ذرائع کا کہنا ہے کہ میاں طارق کے بیٹے میاں فیصل کو جلد عدالت پیش کر دیاجائےگا ، ایف آئی اے نے میاں طارق کی گاڑی بھی قبضےمیں لے لی ، میاں طارق اور اس کے بیٹے میاں فیصل کو گزشتہ روز حراست میں لیا گیا تھا،

ایف آئی اے ذرائع کا کہنا ہے کہ میاں طارق سےملتان میں ملاقاتوں کے بارے میں بھی تفتیش کی گئی ہے. یو ایس بیز میں میاں طارق کی بنائی گئی ویڈیوز ہیں، دفتر کے تالے توڑ کردستاویزات اورسی ڈیزقبضے میں لےلی گئی تھیں، میاں طارق کےٹی وی شوروم، آفس پرگزشتہ رات 3بجے پہلی کارروائی کی گئی تھی،

جواب چھوڑیں

آپ کا ای میل ایڈریس شائع نہیں کیا جائے گا.