fbpx

مفتاح اسماعیل ناکامی کا سارا ملبہ ہم پر ڈالنے کی کوشش کر رہے ہیں ،اسد عمر

الیکشن کمیشن کی جانب سے غیرقانونی نوٹس کے خلاف درخواست دائر کی ہے,اسد عمر

رہنما پاکستان تحریک انصاف اور سابق وفاقی وزیر برائے منصوبہ بندی اسد عمر کا کہنا ہے کہ مفتاح اسماعیل کی ناکامی کی مشہوری تو نواز شریف بیان کر رہے ہیں،مفتاح اسماعیل ناکامی کا سارا ملبہ ہم پر ڈالنے کی کوشش کر رہے ہیں-

باغی ٹی وی: کراچی میں میڈیا سے گفتگو کرتے ہوئے اسد عمر کا کہنا تھا کہ وفاقی حکومت نااہل ہے، ساڑھے چار ماہ ہو گئے ابھی تک ان سے آئی ایم ایف سے معاہدہ نہیں ہو رہا مفتاح اسماعیل کہہ رہے ہیں پی ٹی آئی کی وجہ سے آئی ایم ایف سےمعاہدہ نہیں ہوپارہا مفتاح اسماعیل ناکامی کا سارا ملبہ ہم پر ڈالنے کی کوشش کر رہے ہیں مفتاح اسماعیل کی ناکامی کی مشہوری تو نواز شریف بیان کر رہے ہیں۔

عمران خان نے صرف اپنی پبلسٹی کے لیے ہیلی کاپٹر میں بیٹھ کر دورے کی خبریں چلوائیں،زاہد خان

وزیر خزانہ خیبر پختونخوا سے متعلق سوال پر اسد عمر کا کہنا تھا کہ تیمور جھگڑا نے خط میں 24 گھنٹے میں اپنی مدد کا اظہار کیا، خط میں کہا گیا کہ ہم وفاق کی مدد کے لیے تیار ہیں، 2 ماہ میں انھوں نے صوبائی حکومت سے ملاقات تک نہیں کی تیمور جھگڑا صوبے کا حق مانگ رہے ہیں، حکومت کی جانب سےاپنی ناکامی کا ملبہ تیمورجھگڑا پر ڈالنے کی کوشش کی گئی خبردار اگرکسی نےان کی آواز کو دبانے کی کوشش کی۔

انہوں نے کہا کہ آپ سمجھتے ہیں کہ ڈنڈے سے ملک کو چلائیں گے تو یہ آپ کی خام خیالی ہے جن دعوؤں پر آپ نے حرام کے پیسے سے حکومت گرائی اس میں ناکام ہوئےجو بھی ہو رہا ہےوہ آپ کی ناکامی کی وجہ سے ہو رہا ہےآپ نااہل ہیں اور آپ نے عوام کی زندگی مشکل نہیں مشکل تر بنا دی ہے ہم نے بہت بہتر پوزیشن میں آئی ایم ایف سے بات چیت کی تھی اور ہم ملک کو اپنے پاؤں پر کھڑا کررہے تھے۔

ان کا کہنا ہے کہ دنیا کے مختلف جگہوں سے عمران خان سے فنڈز ریزنگ کی اپیل کی گئی۔ پی ٹی آئی فنڈریزنگ سے متعلق محرکات کو دیکھ کر مشاورت کرے گی اوراعلان کیاجائےگا متاثرین کی مدد کرنا ہم سب کا فرض ہےاور میری اپیل ہے صوبائی حکومتیں بھرپور کردار ادا کریں۔سب کو ہدایات ہیں کہ سب نے بھرپور مدد کرنی ہے، انسانی آفت ایسی چیز ہے جس پر سیاست نہیں بنتی۔

ان کا کہنا ہے کہ سیلاب کی صورتحال بہت خراب ہے، قوم کی اچھی بات یہ ہے کہ مشکل وقت میں اکٹھا ہوجاتی ہے۔عمران خان کی پارٹی کو ہدایت ہے کہ اپنے علاقوں میں اور دیگر مقامات پر متاثرین کی مدد کرنی ہے سیلاب متاثرین کی جس قدر مدد ہوسکے کریں گے۔

ان کا کہنا ہے کہ الیکشن کمیشن کی جانب سے غیرقانونی نوٹس کے خلاف درخواست دائر کی ہے پی ٹی آئی کے خلاف الیکشن کمیشن کے جو فیصلے آرہے ہیں اس کی قانون میں کوئی گنجائش نہیں۔الیکشن کمیشن چاہتا ہے کہ سیاہ کو سفید اور سفید کو سیاہ کرتا رہے اور ہم مانتے رہیں تو ایسا نہیں ہوگا۔آئین واضح ہے الیکشن کمیشن عدالت نہیں ہے۔سپر یم کورٹ یا ہائیکورٹ آرٹیکل 204 کے تحت کارروائی کرسکتی ہے۔

پی ٹی آئی چاہتی ہے عمران خان کی حکومت نہ ہو تو سب کچھ داؤ پر لگا دو،مفتاح اسماعیل