محسن عباس حیدر نے اپنی گرفتاری کی خبروں کی تردید کر دی

پاکستان شوبز انڈسٹری کے معروف اداکار وگلوکار محسن عباس حیدر نے خود کی اور ماڈل نازش جہانگیر کی گرفتاری کی خبر کی تردید کردی ہے۔

باغی ٹی وی : اداکار و گلوکار محسن عباس حیدر کی سابقہ اہلیہ فاطمہ سہیل نے انسٹاگرام پوست میں بتایا تھا کہ آخر کارمجھے اور میرے بیٹے کے ساتھ ہونے والی ناانصافی کے خلاف ایک طویل قانونی جنگ کے بعد ایف آئی اے سائبر کرائم ونگ نے کراچی میں کی جانے والی کارروائی کے دوران مجرم قرار دیتے ہوئے محسن اور ماڈل نازش جہانگیر کوگرفتار کرلیا ہے۔
https://www.instagram.com/p/CEKjAsdJldr/
رپورٹ کے مطابق محسن عباس کی سابقہ اہلیہ فاطمہ سہیل کی جانب سے ایف آئی اے سائبر کرائم ونگ میں شکایت درج کروائی گئی تھی کہ ان کے سابقہ شوہر اور نازش جہانگیر دونوں ان کے خلاف جعلی ویڈیوز اور جعلی پوسٹس وائرل کر کے انہیں سوشل میڈیا پر بلیک میل کر رہے ہیں۔

فاطمہ سہیل کے مطابق اُن کی شکایت پر ایف آئی اے سائبر کرائم ونگ نے جمعہ کے روز کراچی میں کارروائی کرتے ہوئے محسن عباس اور ان کی دوست معروف ماڈل نازش جہانگیر کو اُن کے اپارٹمنٹ سے گرفتار کرلیا ہے۔

فاطمہ سہیل کا صارفین کو مخاطب کرتے ہوئے کہنا تھا کہ انہیں امید ہے کہ بہت جلد انصاف مل جائے گا میں آپ سب سے درخواست کرتی ہوں کہ آپ مجھے اپنی دعاؤں میں یاد رکھیں۔

دوسری جانب محسن عباس حیدر نے نازش جہانگیر کے ساتھ آئس کریم کھاتےہوئے تصویریں شیئر کیں جس پر مداحوں کی بڑی تعداد نے گرفتاری سے متعلق سوالات پوچھے۔
https://www.instagram.com/p/CEKVxboMec0/
مداحوں کے سوالات کے جواب دیتے ہوئے محسن عباس نے کہا کہ وہ جیل میں نہیں جِم میں ہیں

صارف نامی صارف کا جواب دیتے ہوئے محسن نے لکھا کہ اُن کی سابقہ اہلیہ یہ سب محض سستی شہرت کے لیے کررہی ہیں۔

محسن عباس انسٹاگران سکرین شاٹ
سحرش نے اپنے کمنٹ میں فاطمہ سہیل کی جگہ غلطی سے عائشہ سہیل لکھا تھا جس کی نشاندہی کرتے ہوئے محسن عباس نے لکھا کہ سحرش آپ کو اُن کا نام تک یاد نہیں ، کتنی غط بات ہے یہ۔

محسن عباس انسٹا گرام سکرین شاٹس
بعد ازاں محسن نے جم میں ورک آؤٹ کرتے ایک ویڈیو بھی شیئر کی جس میں بتایا کہ وہ ورک آؤٹ کررہے ہیں۔
https://www.instagram.com/p/CELecUJAhLN/
یاد رہے کہ فاطمہ سہیل نے محسن عباس پر الزامات عائد کیے تھے کہ وہ انہیں تشدد کا نشانہ بناتے ہیں،جس کے بعد دونوں کے درمیان علیحدگی ہوگئی تھی۔اس سے قبل فاطمہ سہیل کی شکایت پر محسن عباس کو لاہور میں بھی گرفتار کیا گیا تھا لیکن بعد میں انہیں ضمانت مل گئی تھی۔

مسجد وزیر خان کیس:کراچی سٹی کورٹ میں رقص کی تصاویر اور مسجد کی انتظامیہ کے نام عدالت میں جمع