منال خان اور احسن محسن کے بارے میں سوشل میڈیا صارفین کی قیاس آرائیاں حقیقت میں بدل گئیں

پاکستان شوبز انڈسٹری کی نامور ماڈل اور اداکارہ منال خان نے انسٹاگرام پر ایک پوسٹ شیئر کی ہے۔ جسے دیکھ کر لگتا ہے کہ مداحوں کی افواہیں سچ ہونے جا رہی ہیں-

باغی ٹی وی : منال خان کے مداحوں کی جانب سے مسلسل قیاس آرائیاں کی جا رہیں تھیں کہ منال خان اور احسن محسن میں قربتیں بڑھ رہی ہیں تاہم حالیہ سوشل میڈیا پوسٹ نے ان تمام قیاس آرائیوں کو صحیح ثابت کردیا ہے۔

22 سالہ منال خان کی سالگرہ کی تقریب میں احسن محسن نے خصوصی طور پر شرکت کی جس کے بعد اداکارہ نے خصوصی طور پر احسن محسن کا شکریہ ادا کیا اور انہی کے ساتھ ایک دلکش تصویر بھی شیئر کی۔

اداکار احسن محسن اکرام کا منال خان سے محبت کا اظہار

تصویر کے کیپشن میں انہوں نے دل والی ایموجی اور چابی کی ایموجی بھی بنائی جو یہ ظاہر کرتا ہے کہ ان کے دل تک رسائی احسن محسن نے حاصل کرلی ہے۔

منال خان اور احسن محسن کی یہ تصویر سوشل میڈیا صارفین میں مقبولیت حاصل کررہی ہے جبکہ صارفین شوبز انڈسٹری کی اس نئی جوڑی کے لئے نیک خواہشات کا اظہار بھی کررہے ہیں۔

منال خان اور احسن محسن کی نئی تصویر کے سوشل میڈیا پر چرچے

اس سے قبل بھی منال خان اور نئے اداکار احسن محسن اکرام کی سوشل میڈیا پر وائرل میوزیکل نائٹ میں لی گئی تصویرکو سوشل میڈیا صارفین کی جانب سے خوب مقبولیت حاصل ہوئی تھی جبکہ صارفین شوبز انڈسٹری کی اس نئی بننے والی جوڑی کے لیے نیک خواہشات کا اظہار بھی کیا گیا تھا-

واضح رہے کہ منال خان اور احسن محسن اکرام نے ایک نجی ٹی وی چینل پر 2017 میں نشر ہونے والے ڈرامہ سیریل ’ پرچھائیں‎‘ میں ایک ساتھ کام کیا تھا۔

جواب چھوڑیں

آپ کا ای میل ایڈریس شائع نہیں کیا جائے گا.