ورلڈ ہیڈر ایڈ

میرپور و گردونواح میں ایک بار پھر زلزلے کے جھٹکے

میرپور و گردونواح میں ایک بار پھر زلزلے کے جھٹکے

باغی ٹی وی کی رپورٹ کے مطابق میرپورآزاد کشمیر اور گردونواح میں زلزلے کے جھٹکے محسوس کئے گئے، زلزلے کے جھٹکے اتنے شدید تھے کہ شہری گھروں سے باہر نکل آئے اور کلمہ طیبہ کا ورد شروع کر دیا، شہری زلزلے کے مسلسل جھٹکوں کی وجہ سے خوف و ہراس کا شکار ہو چکے ہیں.

میرپور میں چند روز قبل آںے والے زلزلے کی تباہی ابھی ختم نہیں ہوئی ،متاثرین کھلے آسمان تلے ہیں، آزاد کشمیر اور وفاقی حکومت زلزلہ متاثرین کی مدد کر رہی ہے تا ہم ابھی تک لوگوں کی مشکلات کم نہیں ہوئیں دوسری جانب زلزلے کے مسلسل آفٹر شاکس کی وجہ سے شہری خوف میں مبتلا ہیں.

زلزلے سے کتنا نقصان ہوا، ڈی جی آئی ایس پی آر نے تفصیلات جاری کر دیں

وزیر اعلی پنجاب کی صدر آزاد کشمیر کو زلزلہ متاثرین کی مدد کیلئے ہر ممکن تعاون کی پیشکش

آرمی چیف کا زلزلہ متاثرہ علاقوں‌ کا دورہ، سول انتظامیہ کی معاونت سے صورتحال معمول پر لانے کی ہدایت

وزیراعلیٰ پنجاب میر پور پہنچ گئے، کہا پنجاب حکومت مشکل وقت میں زلزلہ متاثرین کے ساتھ ہے


دوسری جانب ترجمان این ڈی ایم اے کا کہنا ہے کہ ‏زلزلے کے بعد ہونے والی اموات کی تعداد39ہوگئی،‏زلزلے میں زخمی افراد کی تعداد 614 ہے،زلزلےسے450 گھروں کو نقصان پہنچا ،135گھروں کوشدیدنقصان جبکہ315کوجزوی نقصان پہنچا،

چیئرمین این ڈی ایم اے لیفٹیننٹ جنرل محمد افضل نے مزید کہا کہ اگلے ہفتے سے زلزلہ متاثرین کو فنڈز ملنا شروع ہوجائیں گے،حکومت نے ایراکواین ڈی ایم اے میں ضم کرنےکا فیصلہ کیا ہے،2005سے ابھی تک حکومت پاکستان نے کئی اقدامات کیے ہیں،حکومت پاکستان قدرتی آفات سے نمٹنے کے لیے مزید اقدامات کرے گی،زلزلہ متاثر یں کی بحالی تک ساتھ کھڑے ہیں،

جواب چھوڑیں

آپ کا ای میل ایڈریس شائع نہیں کیا جائے گا.