میرپور ماتھیلو(نامہ نگارمشتاق لغاری) پولیس کی کارروائیاں، منشیات فروش اور روپوش ملزم گرفتار
تفصیل کے مطابق گھوٹکی پولیس نے ایس ایس پی ڈاکٹر سمیع اللہ سومرو کی ہدایت پر منشیات فروشوں اور جرائم پیشہ افراد کے خلاف کریک ڈاؤن کے دوران اہم کامیابیاں حاصل کیں۔
تھانہ میرپور ماتھیلو کےایس ایچ او لیاقت علی لاشاری اور ان کی ٹیم نے دورانِ گشت خفیہ اطلاع پر سومرا کالونی کے قریب ریلوے لائن کی طرف جانے والے راستے سے ایک منشیات فروش چاکر ولد عبدالعزیز بوزدار کو 670 گرام چرس سمیت گرفتار کر لیا۔ پولیس نے ملزم کو تھانے منتقل کر کے اس کے خلاف کرائم نمبر 67/2025، دفعہ (Sr 3 b 9 (i (Amendment) 2022 کے تحت مقدمہ درج کر لیا۔
تھانہ کھمبڑا کےایس ایچ او ظفر اللہ چنڑ اور ان کی ٹیم نے خفیہ اطلاع پر کارروائی کرتے ہوئے نزد رینی کینال پل سے روپوش ملزم سعید احمد ولد محمد سچل چانڈیو کو گرفتار کر لیا۔ ملزم تھانہ کھمبڑا میں درج کرائم نمبر 28/2024، دفعہ 337f(iii) ت پ کے کیس میں مطلوب تھا۔
ایس ایس پی گھوٹکی ڈاکٹر سمیع اللہ سومرو نے پولیس پارٹی کی کامیاب کارروائیوں پر ٹیم کو شاباش دی۔
