مصباح کے اسلام آباد یونائیٹڈ سے منسلک یہ بات ہمیں منظورنہیں پی ایس ایل فرنچائزرز کا شکوہ

اسلام آباد : علاقائی کرکٹ ٹیموں نے اپنے اپنے تحفظات پیش کرنا شروع کردیئے ہیں، اطلاعات کے مطابق ڈین جونز کی اسلام آباد یونائیٹڈ کے کوچ کی حیثیت سے برطرفی کے بعد ان کی جگہ مصباح الحق کی بطور ہیڈ کوچ ممکنہ تقرری پر پاکستان سپر لیگ(پی ایس ایل) کی دیگر فرنچائزوں نے اعتراض کرتے ہوئے اپنے تحفظات کا اظہار کیا ہے۔

اسلام آباد یونائیٹڈ نے گزشتہ روز ڈین جونز کو کوچ کے عہدے سے برطرف کرنے کا اعلان کردیا تھا ،ڈین جونز کی برطرفی کے بعد ابھی تک نئے کوچ کے نام کا اعلان نہیں کیا گیا لیکن عین ممکن ہے کہ اسلام آباد یونائیٹڈ کے نئے کوچ قومی ٹیم کے ہیڈ کوچ اور چیف سلیکٹر مصباح الحق ہوں گے۔

کرک انفو کے مطابق پی سی بی کی جانب سے ہیڈ کوچ اور چیف سلیکٹر بنائے جانے سے کئی ہفتوں قبل ہی مصباح اپنی سابقہ فرنچائز کا ہیڈ کوچ بننے پر آمادگی ظاہر کر چکے تھے اور پی سی بی اس حوالے سے گرین سگنل دے چکا تھا کہ انہیں مصباح کے متعدد عہدوں پر کوئی اعتراض نہیں۔