مزارات پر اکٹھا ہونے والا چندہ کہاں خرچ ہوتا ہے؟ چیف جسٹس

مزارات پر اکٹھا ہونے والا چندہ کہاں خرچ ہوتا ہے؟ چیف جسٹس

باغی ٹی وی کی رپورٹ کے مطابق سپریم کورٹ میں مزارات سے متعلق کیس کی سماعت 2ہفتو ں تک ملتوی کر دی گئی.

سپریم کورٹ نے مزارات کیس میں تمام ایڈووکیٹ جنرلز کو نوٹسز جاری کردیئے،سپریم کورٹ نے ملک بھر کے مزارات کی اکاوَنٹس رپورٹ طلب کر لی

سپریم کورٹ نے وکیل سے استفسار کیا کہ بتایاجائےمزارات پر کتنا چندہ اکٹھا ہوتا ہے اورکہاں خرچ ہوتا ہے؟ چیف جسٹس گلزار احمد کا کہنا تھا کہ مزارات پر اکٹھا ہونے والا پیسہ دین کے لیے خرچ ہونا چاہیے، پنجاب میں مزارات کے پیسےسے اوقاف ملازمین کی تنخواہیں ادا کی جا رہی ہے،اوقاف اپنے ملازمین کی تنخواہوں کے لیے کچھ اور بندوبست کرے

وکیل فیصل چودھری نے کہا کہ مزارات کے پیسہ سے تزہین و آرائش کا کام بھی کیا جاتا ہے،جسٹس اعجاز الاحسن نے کہا کہ مزارات کی تزہین و آرائش کہاں ہوتی ہے؟ چیف جسٹس گلزار احمد نے کہا کہ اوقاف کے ملازمین خیرات کا پیسہ لے رہے ہیں،لوگ منتوں مرادوں کے لیے چندہ خیرات دے کرجاتے ہیں،یہ پیسہ اللہ اور دین کی راہ پر خرچ ہونا چاہیے،اس پیسے سے اسپتال ، تعلیمی ادارے اور یتیم خانے بنائے جا سکتے تھے،ہمارے لوگ ہر چیز کھانے کے عادی ہو چکے ہیں،

وکیل فیصل چوھدری نے کہا کہ چندہ کے پیسہ سے جہیز فنڈز بھی دیا جاتا ہے،چیف جسٹس گلزار احمد نے کہا کہ جہیز فنڈز بھی کھا لیا ہوگا،ریاست مزارات کے چندےکی محافظ ہے