میں نے ماہرہ کے بارے میں کچھ غلط نہیں کہا تھا، فردوس جمال

حال ہی میں فردوس جمال نے ایک انٹرویو میں ایک بار پھر ماہرہ خان کے حوالے سے بات کرتے ہوئے کہا کہ ’میں نے کہا تھا کہ ماہرہ خان کو ہیروئن کا کردار کرنے کے بجائے کردار نگاری کرنی چاہیے کیونکہ جب ہم کسی ہیروئن کا تصور کرتے ہیں تو ہمارے دماغ میں ایک نو عمر لڑکی آتی ہے جو چنچل اور معصوم سی ہوتی ہے‘۔فردوس جمال نے کہا کہ ’میرا ماننا یہ ہے کہ ماہرہ خان ہیروئن کے معیار پر پورا نہیں اٴْترتیں ، اسی لئے اٴْنہیں اس کے علاوہ دوسرے کردار کا انتخاب کرنا چاہیے‘۔
اٴْنہوں نے کہا کہ ’اور کردار سازی سے، میرا یہ مطلب نہیں کہ وہ کسی عمر رسیدہ ماں، دادی یا ساس کا کردار ادا کریں‘۔فردوس جمال نے کہا کہ ’وہ بیوی یا بہن کا کردار بھی ادا کر سکتی ہیں، بے شمار کردار دستیاب ہیں، وہ ایک سماجی کارکن بھی بن سکتی ہیں۔‘