fbpx

پاک بھارت میچ: معمررانا کا سلمان خان کے نام پیغام ، پوسٹ سوشل میڈیا پر وائرل

دبئی میں ٹی ٹوئنٹی ورلڈکپ کا میدان سج چکا ہے اور شائقینِ کرکٹ سمیت شوبز انڈسٹری سے تعلق رکھنے والی شخصیات میں بھی جوش و ولولہ عروج پر ہے۔

باغی ٹی وی : ایسے میں معروف پاکستانی اداکار معمر رانا نے ٹی ٹوئنٹی ورلڈکپ میں پاک بھارت میچ سے قبل سماجی رابطے کی ویب سائٹ انسٹاگرام پر بالی وڈ اسٹار سلمان خان کے ہمراہ اپنی یادگار تصویر شیئر کی اور ساتھ ہی دبنگ خان کے نام پیغام بھی لکھا۔

انہوں نے پوسٹ پر کیپشن میں لکھا کہ بھائی آج دونوں ہنس لیتے ہیں، پھر انشا اللّٰہ 25 کو ملتے ہیں۔

پاک بھارت ٹاکرا: ماہر فلکیات کی کھلاڑیوں کی پرفارمنس سے متعلق اہم پیش گوئی

معمر رانا کی سلمان خان کے ساتھ یہ تصویر دیکھ کر جہاں مداحوں نے حیرانی کا اظہار کیا وہیں شوبز انڈسٹری سے وابستہ کئی اداکاروں نے پوسٹ پر اپنے تبصرے پیش کیے اور پاک بھارت مقابلے میں پاکستان کی جیت کیلئے نیک خواہشات کا اظہار کیا۔

واضح رہے کہ آج پاکستان اور بھارت کے درمیان دبئی کے میدان میں ہوگا میچ پاکستانی وقت کے مطابق شام7 بجے شروع ہوگا بابراعظم پاکستان کےکپتان، کوہلی بھارت کی کمان سنبھالیں گے۔

قومی ٹیم میں بھارت کے خلاف جن کھلاڑیوں کو شامل کیا گیا ہے ان میں محمد رضوان، فخر زمان، بابر اعظم، محمد حفیظ، حیدرعلی، شعیب ملک، محمد آصف، شاداب خان، عماد وسیم، حسن علی، شاہین شاہ آفریدی اور حارث رؤف شامل ہیں۔ حتمی پلیئنگ الیون کا اعلان میچ سے قبل کیا جائے گا۔

پاک بھارت ٹاکرا: دنیائے کرکٹ کا سب سے بڑا مقابلہ آج دبئی کے میدان میں ہو گا

Facebook Notice for EU! You need to login to view and post FB Comments!