ٹھٹھہ : سندھ حکومت کی ہدایت پرضلع بھر میں سرکاری نرخ پر سستے آٹے کے موبائل سٹال لگادیئےگئے

ٹھٹھہ،باغی ٹی وی (نامہ نگار راجہ قریشی)سندھ حکومت کی ہدایت پرضلع بھر میں سرکاری نرخ پر سستے آٹے کے موبائل سٹال لگادیئےگئے
تفصیل کے مطابق ڈپٹی کمشنر ٹھٹھہ غضنفر علی قادری نے کہا ہے کہ سندھ حکومت کی ہدایت پر ضلعی انتظامیہ کی جانب سے ٹھٹھہ، مکلی، دھابیجی، گھارو، گھوڑاباری ، بگھان ،کیٹی بندر سمیت ضلع کے مختلف شہروں میں سرکاری نرخ پر سستے آٹے کے موبائل اسٹال لگائے گئے ہیں جہاں مسلسل روزانہ کی بنیاد پر آٹے کی فراہمی جاری ہے۔ انہوں نے کہا کہ عوام کو دس کلو آٹے کا تھیلا 650 روپے میں فروخت کیا جا رہا ہے تاکہ اس مہنگائی کے دور میں عوام کو ریلیف فراہم کیا جا سکے۔ ان خیالات کا اظہار انہوں نے محکمہ خوراک، ریونیو اور دیگر متعلقہ افسران کے ہمراہ مختلف اسٹالوں کے دورے کے دوران سستے آٹے کی فراہمی کی نگرانی کرتے ہوئے کیا۔ ڈپٹی کمشنر نے کہا کہ ضلع کے تمام تحصیلوں میں سستے آٹے کے موبائل اسٹال لگائے گئے ہیں تاکہ عوام کو زیادہ سے زیادہ فائدہ حاصل ہو سکے۔ انہوں نے کہا کہ بازاروں اور مارکیٹوں میں کنٹرول ریٹ پر آٹے کی فراہمی کو بھی یقینی بنایا جا رہا ہے جبکہ آٹا مہنگا فروخت کرنے والوں کے خلاف قانون کے مطابق سخت کارروائی کی جائے گی۔ اس موقع پر ڈپٹی کمشنر غضنفر علی قادری نے بھی عوام کو سستے ریٹ پر آٹا تقسیم کیا-

Leave a reply