مودی سرکار کے عزائم پڑوسی ممالک کیلئے خطرہ بن چکے،وزیراعظم عمران خان

باغی ٹی وی کی رپورٹ کے مطابق وزیراعظم عمران خان نے کہا ہے کہ مودی حکومت کی غرور پر مبنی توسیع پسند پالیسیاں نازی نظریات کے مطابق ہیں

سماجی رابطے کی ویب سائٹ ٹویٹر پر ٹویٹ کرتے ہوئے وزیراعظم عمران خان کا کہنا تھا کہ مودی سرکار کے عزائم پڑوسی ممالک کیلئے خطرہ بن چکے ہیں،بنگلہ دیش بھارت کے سٹیزن شپ ایکٹ سے متاثر ہے ،مودی حکومت کے نیپال اور چین کے ساتھ سرحدی اختلافات ہیں پاکستان کو بھارت سے فالس فلیگ آپریشن کا خطرہ ہے ،

The Hindutva Supremacist Modi Govt with its arrogant expansionist policies, akin to Nazi's Lebensraum (Living Space), is becoming a threat to India's neighbours. Bangladesh through Citizenship Act, border disputes with Nepal & China, & Pak threatened with false flag operation.

— Imran Khan (@ImranKhanPTI) May 27, 2020

وزیراعظم عمران خان کا مزید کہنا تھا کہ مقبوضہ کشمیر کی بھارت میں غیر قانونی شمولیت چوتھی جنیواکنونشن کی خلاف ورزی ہے،میں نے ہمیشہ کہا ہے کہ مودی حکومت بھارتی اقلیتوں کیلئے خطرہ ہے ،نریندر مودی حکومت کی پالیسیاں علاقائی امن کیلئے خطرہ ہیں،

واضح رہے کہ بھارت نے چین کے ساتھ پنگا لیا تو چین نے لداخ میں بھارتی علاقے میں گھس کر بھارتی فوجیوں کو نہ صرف گرفتار کیا بلکہ بھارتی علاقے پر بھی قبضہ کیا، بھارت ابھی تک اس بارے میں خاموش ہے، چین کی جانب سے جنگی طیارے بھی لداخ پہنچ چکے ہیں، چین نے لداخ میں ایئر بیس میں بھی مزید توسیع کر دی، چینی صدر نے اپنی فوج کو جنگ کے لئے تیار رہنے کا بھی حکم دے دیا ہے.

واضح رہے کہ چین اوربھارت کے درمیان سرحدی کشیدگی مسلسل بڑھتی جارہی ہے اور اطلاعات کے مطابق چین کے پانچ ہزارسے زائد فوجی بھارت میں گھس گئے ہیں‌