بھارتی لوک سبھا الیکشن میں کامیابی کے بعد نریندر مودی 26 مئی کو دوبارہ وزارت عظمیٰ کا حلف اٹھا سکتے ہیں.
باغی ٹی وی کی رپورٹ کے مطابق حکمران جماعت بی جے پی اس وقت تنہا 300 سے زیادہ سیٹیں حاصل کرنے کی پوزیشن میںجاتی دکھائی دے رہی ہے. اس حوالہ سے بی جے پی میں جشن کا سماںہے. 17ویں لوک سبھا کے انتخابی نتائج آنے کے بعد نریندر مودی نے جمعہ کو مرکزی کابینہ کی ایک میٹنگ طلب کی ہے۔
کابینہ کا اجلاس میں نئی حکومت کے قیام کے لئے راستہ ہموار کرنے کے لئے کابینہ کےاستعفی کے بارے میں فیصلہ کیا جائے گا۔ نئی حکومت کے قیام کے لئے مسٹر مودی اپنا استعفی صدر رامناتھ کووند کو پیش کریں گے۔ موجودہ لوک سبھا کی میعاد 3 جون کو ختم ہوگی۔
واضح رہے کہ بھارت میں الیکشن کے حالیہ نتائج کو دیکھتے ہوئے نریندر مودی کی قیادت میں بی جے پی کی حکومت دوبارہ بنتی دکھائی دے رہی ہے اور اس بات کی توقع ہے کہ چند دن بعد وہ دوبارہ برسراقتدار ہوںگے اور نئی کابینہ تشکیل دیں گے.
