یہ مودی کابھارت ہےجہاں پولیس دلّتوں پرتشدد کوفریضہ سمجھتی ہے

مدھیا پردیشن :یہ مودی کا بھارت ہے جہاں پولیس دلّتوں پرتشدد کوفریضہ سمجھتی ہے ،اطلاعات کے مطابق بھارت کی ریاست مدھیاپرادیش میں پولیس نے دلت کسان جوڑے کو شدید تشدد کا نشانہ بنایا اور ان کی فصل کو تباہ کردیا جس کے بعد جوڑے کی خود کشی کی کوشش جبکہ پولیس کے اقدام پر مختلف حلقوں کی جانب سے شدید غم و غصے کا اظہار کیا گیا۔

خبرایجنسی رائٹرز کی رپورٹ کے مطابق پولیس نے دلت جوڑے پر تشدد کیا تھا اور ان کی فصل بھی تباہ کردی تھی، جس کے بعد ملک بھر میں غریب اقلیتوں کے خلاف ظالمانہ اقدامات کی مذمت کی گئی۔

سوشل میڈیا میں گردش کرنے والی ویڈیو میں دکھاجاسکتا ہے کہ درجن بھر پولیس اہلکار جوڑے کو سرکاری زمین سے گھسیٹ کر باہر نکال رہے ہیں۔رپورٹ کے مطابق یہ واقعہ ریاست مدھیا پرادیش میں پیش آیا جبکہ سوشل میڈیا مختصر وقت میں ہی لاکھوں افراد نے ویڈیو دیکھی۔

https://twitter.com/tvicky002/status/1283654504987017216

مقامی انتظامیہ کے سربراہ ایس وشواناتھ نے گزشتہ روز نیوز کانفرنس میں کہا تھا کہ جوڑے نے زہریلی دوا کھا کر خود کشی کی کوشش کی تھی لیکن انہیں ہسپتال منتقل کردیا گیا تھا۔

دلت سیاسی رہنما کماری میاواتی نے ٹوئٹر پر اپنے بیان میں کہا کہ ‘جوڑے کی فصل کو تباہ کرکے ان کو خود کشی پر مجبور کرنا انتہائی ظلم اور شرم ناک ہے’ ۔انہوں نے کہا کہ ‘ملک بھر سے اس واقعے کی مذمت کا آنا فطری بات ہے، حکومت کو سخت کارروائی کرنی چاہیے’۔

خبرایجنسی کو ایک پولیس اہلکار نے نام ظاہر نہ کرنے کی شرط پر بتایا کہ جوڑے کو وہاں سے ہٹانا، سرکاری زمینوں پر قبضے کے خلاف مہم کا حصہ تھا۔انہوں نے کہا کہ جس زمین پر جوڑے نے کھیتی باڑی کی تھی وہ ایک کالج کی تعمیر کے لیے مختص کی گئی تھی۔