محسن عباس حیدر اور نازش جہانگیر جلد نئے ڈرامے میں ایک ساتھ نظر آئیں گے

0
58

پاکستان شوبز انڈسٹری معروف اداکار،گلوکار، میزبان و رائٹر محسن عباس حیدر جلد ہی اداکارہ نازش جہانگیر کے ساتھ ایک نئے پروجیکٹ میں جلد نظر آئیں گے ۔

باغی ٹی وی : محسن عباس حیدر سوشل میڈیا ویب سئٹ انسٹا گرام اکاؤنٹ پر اسٹوریز میں اس بات کی تصدیق کی اداکار نے انسٹا گرام اسٹوریز میں چند تصاویر شئیر کیں جس میں وہ اپنے ڈرامے کے ڈائریکٹر سہیل جاوید اور نازش جہانگیر کے ہمراہ ڈرامے کے سیٹ پر موجود ہیں۔


تفصیلات کے مطابق نازش اور محسن کے آنے والے ڈرامے کا نام ’ گھمنڈی ‘ بتایا جا رہا ہے جس کے پروڈیوسر پاکستان کے معروف اداکار عدنان صدیقی ہیں ۔

میڈیا رپورٹس کے مطابق ڈرامے کے ڈائریکٹر سہیل جاوید کا ڈرامے کی ہانی بتانے سے انکار کرتے ہوئے کہنا ہے کہ ڈرامے کی کہانی اس وقت نہیں بتائی جا سکتی مگر ڈرامے کا ٹیزر بہت جلد نشر کر دیا جائے گا ڈرامے میں محسن اور نازش مرکزی کردار ادا کر رہے ہیں اور ہم سب ہی اس ڈرامے سے متعلق بہت پر جوش ہیں۔

ڈرامہ کے پروڈیوسر عدنان صدیقی کا محسن عباس حیدر کی ڈرامہ انڈسٹری میں واپسی سے متعلق بات کرتے ہوئے کہنا ہے کہ اُن کے خیال میں محسن عباس کی نجی زندگی سے متعلق سب معاملات کو میڈیا پر نہیں آنا چاہیے تھا یہ ایک بحث ہے جس میں وہ پڑنا نہیں چاہتے ہیں

انہوں نے کہا کہ اُنہیں لگتا ہے کہ لوگ صرف ایسی گپ شپ سے لطف اندوز ہو تے ہیں اور لوگوں کی پریشانیوں سے محظوظ ہوتے ہیں کوئی بھی کسی کی مدد نہیں کرنا چاہتا ہے ۔

رپورٹس کے مطابق عدنان صدیقی کا مزید کہنا تھا کہ اگر آپ کسی شخص کو صرف ذاتی معاملات کی بنا پر موقع نہیں دیتے ہیں جو باصلاحیت ہے اور مواقعوں کے مستحق ہیں تو کیا آپ ایسے لوگوں کو ذہنی مریض نہیں بنا رہے ہیں اُن کے خیال میں محسن عباس حیدر کو ایک موقع اور ملنا چاہیے ۔

واضح رہے کہ گلوکار و اداکار محسن عباس حیدر گھریلو تنازعات میں عدالت کی طرف سے سرخرو ہونے کے بعد شوبز انڈسٹری میں دوبارہ اس ڈرامے کے ذریعے واپسی کر ر ہے ہیں ۔

محسن عباس حیدر نے اپنی گرفتاری کی خبروں کی تردید کر دی

Leave a reply