fbpx

محسن اقبال کی گریڈ 20 میں ترقی ڈائریکٹر جنرل کے عہدہ پر تعینات

قومی اسمبلی سیکرٹریٹ کے افسر محمد محسن اقبال (ڈائرکٹر لائبریری اینڈ ریسرچ 19 گریڈ) کو گریڈ 20 میں ترقی دے کر ڈائریکٹر جنرل کے عہدے پر تعینات کردیا گیا ہے۔

ان کی ترقی کی منظوری ڈیپارٹمنٹل پروموشن اینڈ سلیکشن کمیٹی کی جانب سے دی گئی ہے اور ڈی پی سی کی سفارشات کی روشنی میں قومی اسمبلی سیکرٹریٹ نے محمد محسن اقبال کی ترقی کا نوٹفیکیشن بھی جاری کردیا۔

محسن اقبال ذرائع ابلاغ کا بھی وسیع تجربہ رکھتے ہیں اور وہ اس سے قبل ڈائر یکٹر میڈیا اور ترجمان قومی اسمبلی کے عہدے پر بھی خدمات سرانجام دے چکے ہیں۔

محسن اقبال نے اپنی ترقی کی خبر کو سوشل میڈیا صارفین سے شیئر کرتے ہوئے خوشی کا اظہار کیا اور اللہ کا شکر ادا کیا۔

واضح رہے کہ محمد محسن اقبال صحافتی حلقوں اور میڈیا میں کافی اچھی شہرت کے مالک ہیں‌ اور ایک بہترین قلم کار بھی ہیں. دی نیوز سمیت مختلف اداروں میں ان کے مضامین شائع ہوچکے ہیں.