مولانا فضل الرحمان کی پارٹی کے رکن اسمبلی کی اسمبلی کو اڑانے کی دھمکی، سپیکر نے بڑا قدم اٹھا لیا

باغی ٹی وی کی رپورٹ کے مطابق جمعیت علماء اسلام (ف) کے رکن خیبر پختونخواہ اسمبلی مولانا حسام الدین کی ایک دن کے لیے اسمبلی رکنیت معطل کر کے انہیں ایوان میں داخل ہونے سے روک دیا گیا،

اسپیکر کے پی مشتاق غنی نے مولانا حسام الدین کی رکنیت ایک دن کیلئے معطل کر دی،سارجنٹ ایٹ آرمز کو مولانا حسام الدین کو ایوان میں آنے سے روکنےکی ہدایت کی گئی ہے، حسام الدین کو روکنے کیلئے سارجنٹ ایٹ آرمزکی سربراہی میں اہلکار الرٹ کر دیے گئے ہیں

جے یوآئی ف کے رکن حسام الدین نے اسمبلی اڑانے کی دھمکی دی تھی جس پر خیبرپختونخوا اسمبلی نے مولاناحسام الدین کے خلاف مذمتی قرارداد بھی منظور کی ہے،اسپیکر نے دھمکی دینے پر مزید کارروائی کرتے ہوئے مولانا حسام الدین کی ایک روز کے لیے رکنیت کو معطل کر دیا

مولانا حسام الدین کا اسمبلی فلور پہ درد بھرا خطاب
سپیکر سمیت تمام اراکین سہم سے گئے
اراکین پر لرزہ طاری
جب میرے ساتھ میرے ہی حلقے میں جانے پر یہ رویہ ہے تو میرے حلقے کے عوام کا کیا ہوگا جناب سپیکر ہم قبائلیوں کو مجبور نہ کرو کہ ہم دوبارہ اسلحہ اٹھائیں pic.twitter.com/AlXRf3ytT5

— Jamiat Social Media Team (@JamiatPage_1) August 25, 2020

مولانا حسام الدین نے خیبر پختونخواہ اسمبلی میں خطاب کرتے ہوئے کہا تھا کہ میں ذمہ دار بندہ ہوں،ایک علاقے میں گیا تو ہماری سیکورٹی سے بندوقیں رکھوا لی گئیں،جب میرے ساتھ میرے ہی حلقے میں جانے پر یہ رویہ ہے تو میرے حلقے کے عوام کا کیا ہوگا جناب سپیکر ہم قبائلیوں کو مجبور نہ کرو کہ ہم دوبارہ اسلحہ اٹھائیں، ہم امریکہ اور کن لوگوں کی غلامی کر رہے ہیں، ہمیں مارا گیا، قتل کیا گیا،ہمیں ان حالات پر مجبور نہ کریں کہ اسمبلی پر اور سب پر بھر مار کریں گے اور سب کی یہ حالت کریں گے،ہمارے مسئلے بہت زیادہ ہیں