مولانا فضل الرحمان نے افغان طالبان سے کیا امید لگا لی؟
مولانا فضل الرحمان نے افغان طالبان سے کیا امید لگا لی؟
سربراہ جمیعت علمائے اسلام مولانا فضل الرحمان نے جاری ویڈیو بیان میں کہا ہے کہ مجھے امید ہے امارت اسلامی کی قیادت افغانستان کو مستقل سیاسی نظام دینے میں کامیاب ہو جائے گی،
مولانا فضل الرحمان کا کہنا تھا کہ ہم نے ہمیشہ فلسطینی کشمیری اور افغان مجاہدین کے کاز کی حمایت کی لیکن ان کی داخلی معاملات اور پالیسیوں میں مداخلت سے گریز کیا، افغانستان کے مستقبل کے حوالی فیصلے امارات اسلامیہ کی قیادت اور وہاں کے عوام خود کریں گے، تاہم کابل کی تسخیر کے بعد جس طرح طالبان قیادت نے تحمل اعتدال اور درگزر کا مظاہرہ کیا وہ قابل ستائش ہے ، دنیا کو انکی اخلاقی اور سیاسی مدد کرنی چاہئے تاکہ جنگ زدہ ملک کو مشکلات کے دلدل سے نکالا جا سکے،
مولانا فضل الرحمان کا مزید کہنا تھا کہ نائن الیون کے بعد امریکہ نے افغانستان پر قبضہ کیا،القاعدہ کو نائن الیون کا ذمہ دار قرار دیا گیا،امریکہ نے تحقیقات کیے بغیر افغانستان میں طاقت کا استعمال کیا،مجھے چھ ماہ غیر قانونی طور پر نظر بند رکھا گیا،افغانستان میں طاقت کے زور پر جنگ مسلط کی گئی،طالبان اس وقت تدبر اور فراخ دلی سے کام لے رہے ہیں،طالبان سے افغانستان کے مستقبل کے حوالے سے رابطے کیے جانے چاہیں،افغانستان کے مستحکم اور مستقل سیاسی نظام کیلئے طالبان کے ساتھ مذاکرات ہونے چاہئے ،امریکہ کا نیو ورلڈ آرڈر کا۔نظریہ خاکستر ہوچکا ہے،امریکہ کو دنیا کے ساتھ برابری کی بنیاد پر تعلقات رکھنے ہوں گے،افغانستان کی صورتحال کے پاکستان پر اثرات ہوں گے،طالبان کو افغانستان میں کامیابی پر مبارکباد پیش کرتے ہیں،مستحکم اور مضبوط افغانستان پاکستان کے مفاد میں ہے،
واضح رہے کہ کابل پر طالبان کا مکمل کنٹرول ہے، گزشتہ روز طالبان ترجمان ذبیح اللہ مجاہد نے پریس کانفرنس میں عالمی دنیا اور افغان قوم کو اہم پیغام دیے، کابل میں حالات زندگی معمول پر ہیں، تعلیمی ادارے، بازار کھلے ہیں، خواتین بھی دفاتر میں کام کر رہی ہیں، طالبان میں اس بار بدلاؤ آیا ہے اور خواتین کو بھی کام کرنے کی اجازت دی گئی ہے، طالبان کی جانب سے کسی قسم کی کوئی رکاوٹ نہیں ڈالی جا رہی،کابل سے نمائندہ باغی ٹی وی کی رپورٹ کے مطابق طالبان نے شہریوں سے گزشتہ روز اسلحہ جمع کیا اور کہا کہ اب حفاظت ہماری ذمہ داری ہے، طالبان نے ریڈیو ،ٹی وی کے دفاتر سمیت مختلف مقامات کا بھی دورہ کیا اور ملازمین سے بات چیت کی،
افغان طالبان کی جانب سے شہریوں کو مسلسل پیغامات دیئے جا رہے ہیں کہ وہ اپنے کام معمول کے مطابق جاری رکھیں، دوسری جانب افغان شہریوں کی جانب سے بھی طالبان کا خیر مقدم کیا جا رہا ہے، افغان شہری طالبان کے ہوتے ہوئے اپنے آپ کو محفوظ تصور کر رہے ہیں
کابل ایئر پورٹ پر امریکی فوج کی فائرنگ سے 5 افغانی جاں بحق، ایئر پورٹ بند
افغانستان میں بدھ مت کے مقامات کیا واقعی خطرے میں؟ طالبان کا موقف آ گیا
پاک افغان بارڈر طورخم مسافروں کے پیدل آمدورفت کے لئے بدستور بند
کابل، جہاز کے اڑان بھرنے کے بعد 3 افراد گر گئے، 2 کی موت
طالبان کا کابل پر کنٹرول،چین بھی میدان میں آ گیا، بڑا اعلان کر کے سب کو حیران کر دیا
وزیر خارجہ سے افغان وفد کی ملاقات، قریشی کا ڈنمارک کے ہم منصب سے بھی رابطہ
اشرف غنی تاجکستان نہیں آئے، وزارت خارجہ تاجکستان
افغان طالبان کے ترجمان پہلی بار میڈیا کے سامنے آ کر کریں گے اہم اعلان
چین پاکستان اور طالبان اب ملکر بھارت پر حملہ کریں گے، بھارت کی دہائی
افغان طالبان کے ساتھ پاکستان سے کون کونسی جماعت نے رابطہ کیا؟ اہم انکشاف
خبردار،یہ کام کیا تو سختی سے نمٹیں گے، طالبان ترجمان، روسی سفیر کے ساتھ ملاقات طے
ترکی افغان پناہ گزینوں کو روکے گا،طالبان کا سرکاری ملازمین کو بڑا پیغام
اشرف غنی کو اقتدار کی منتقلی کا منصوبہ نہ بنانے پر معاف نہیں کرسکتے،سربراہ افغان مرکزی بینک
امریکا کا طالبان کی حکومت کو تسلیم کرنے کیلئے مشروط رضا مندی کا اظہار
وزیر خارجہ کا چینی ہم منصب سے رابطہ،افغانستان کی بدلتی صورتحال پرتبادلہ خیال
واضح رہے کہ طالبان کابل پہنچ گئے ہیں جس کے بعد افغان صدر اشرف غنی ملک سے فرار ہو گئے، کابل میں طالبان کا کنٹرول ہے ، دیگراہم سرکاری عمارتون پربھی افغان طالبان کا قبضہ ہوگیا ہے اس وقت شہرمیں امن وامان کی صورت حال بہتر ہے اور سڑکوں پرافغان طالبان گشت کررہے ہیں اور لوگوں کو ایک دوسرے کے ساتھ تعاون کی ہدایت بھی کررہے ہیں
ملا عبدالغنی برادر نے کابل کی فتح پر مبارکبادی پیغام جاری کر تے ہو ئے کہا ہے کہ افغانستان کی پوری مسلم ملت باالخصوص کابل کے شہریوں کو فتح پر مبارکباد پیش کرتے ہیں اللہ کی مدد و نصرت سے یہ کامیابی حاصل ہوئی ہے اللہ کا ہر وقت عاجزی کے ساتھ شکر ادا کرتے ہیں۔ کسی غرور اور تکبر میں مبتلا نہیں ہیں ملا عبدالغنی برادر نے کابل کی فتح پر مبارکبادی پیغام جاری کرتے ہوئے کہنا تھا کہ طالبان کا اصل امتحان اور آزمائش اب شروع ہوئی ہے کہ وہ کیسے افغان عوام کی خدمت کرتے ہیں اور دنیا کے لیے ایک ایسی مثال بنتے ہیں، جس کی باقی دنیا پیروی کرے
رہنماوں کو خفیہ نہیں رکھا جائے گا بلکہ..افغان طالبان کا بڑا اعلان
