مولانا سوجی کے حلوے پر گزارہ کریں،اب یہ کام نہیں ہو سکتا، فیاض الحسن چوہان

0
20

مولانا سوجی کے حلوے پر گزارہ کریں،اب یہ کام نہیں ہو سکتا، فیاض الحسن چوہان

باغی ٹی وی کی رپورٹ کے مطابق پنجاب کے صوبائی وزیر اطلاعات فیاض الحسن چوہان نے کہا ہے کہ انسدادِ بد عنوانی کے عالمی دن کے موقع پر پاکستانی قوم کو کرپٹ حکمرانوں سے نجات مبارک ہو۔ گزشتہ سوا سال میں تحریکِ انصاف نے ملک میں بدعنوان عناصر کے خاتمے کی بنیاد رکھ دی۔ کرپشن اور لوٹ مار کا دور اب واپس نہیں آۓ گا۔ آل پاکستان لوٹ مار ایسوسی ایشن آئندہ چار سال صرف اے پی سی اور سیاسی اٹھک بیٹھک کرے گی۔

شہباز شریف کا قانونی نوٹس،برطانوی صحافی نے شہباز شریف کو پھر جھوٹا کہہ دیا

برطانوی صحافی پر مقدمہ کرنے کے لئے فیاض الحسن چوہان کی شہباز شریف کو بڑی پیکشش

فیاض الحسن چوہان نے مزید کہا کہ کرپشن اور منی لانڈرنگ کی پنجاب سپیڈ لندن بیٹھ کر شاہانہ بڑھکیں نہ ماریں۔ شہباز شریف آل شریف کو کفن چور کہنے والے ڈیوڈ روز کے خلاف قانونی چارہ جوئی کریں۔ ن لیگ کی بھگوڑی اور پی پی کی دیہاڑی دار قیادت اپنے ورکرز کی دل پشوری کے لیے مائنس عمران خان فارمولے کے لالی پاپ کی مارکیٹنگ کر رہی ہے۔

فیاض الحسن چوہان کا مزید کہنا تھا کہ مولانا فضل الرحمان سوجی کے حلوے پر گزارہ کریں۔ اقتدار کے ذریعے نوٹوں کا جلوہ اب مولانا فضل الرحمان کے مقدر میں نہیں رہا۔ پی ٹی آئی وزیراعظم عمران خان کی قیادت میں پورے تزک و احتشام اور عزت و احترام سے پانچ سال مکمل کرے گی۔

Leave a reply