fbpx

موبائل فون پر بات کرتے ہوئے خاتون گٹر میں گر گئی

موبائل فون پر بات کرتے ہوئے خاتون گٹر میں گر گئی-

باغی ٹی وی : آج کل لوگ موبائل پر بات کرنے میں اتنے مصروف ہو جاتے ہیں کہ اردگرد کیا ہو رہا ہے انہیں اس کی کوئی خبر نہیں ہوتی کئی بار لوگ گاڑی چلاتے ہوئے موبائل پر بات کرتے رہتے ہیں اور وہ اپنا راستہ بھول جاتے ہیں یا حادثات کا شکار ہوجاتے ہیں اور بہت سے لوگ موبائل پر چیٹنگ کرتے ہوئے یا ویڈیو کال پر بات کرتے ہوئے سڑک پر چلتے ہیں اور وہ یہ بھی نہیں سوچتے کہ اس لاپرواہی کی وجہ سے ان کے ساتھ کوئی بڑا حادثہ پیش آ سکتا ہے اور اکثر ایسے واقعات میں لوگ حادثات کا شکار ہو بھی جاتے ہیں اور بیشتر اوقات اس قسم کے حادثات جان لیوا بھی ثابت ہوئے ہیں-

موبائل میں مصروف لڑکی پر سے ٹرین گزر گئی

ایسی ہی ایک لاپرواہی کی حیران کن ویڈیو سوشل میڈیا پر تیزی سے وائرل ہو رہی ہے،جس میں ایک خاتون کو موبائل فون پر بات کرتے ہوئے گٹر میں گرتے دیکھا جا سکتا ہے۔

وائرل ویڈیو بھارت کے شہر پٹنہ کی ہے جس میں خاتون کو رکشے کے پاس سے گزرتے دیکھا جاسکتا ہے تاہم خاتون موبائل پر اتنی مصروف ہیں کہ سڑک کے بیچ میں کھلے گٹر کو نہیں دیکھ سکی اور بغیر ڈھکن کے گٹر میں گر پڑی۔

خاتون کی خوش قسمتی تھی کہ واقعے کے پیش آتے وقت آگے پیچھے لوگ موجود تھے جنھوں نے جمع ہوتے ہی خاتون کو گٹر سے باہر نکال لیا۔

قبل ازیں بھارت سے ہی ایک ویڈیو وائرل ہوئی تھی جس میں ایک لڑکی ریلوے ٹریک پر لیٹی ہوئی اپنے موبائل پر بات کر رہی تھی، وہ بات کرنے میں اتنی مصروف تھی کہ ٹرین اس کے اوپر سے گزر گئی اور اسے پتہ ہی نہیں چلا کہ کیا ہوا۔