چونیاں ویسٹ الہ آباد کے مختلف علاقوں میں کریک ڈاؤن،ایک سو سے زائد بجلی چور گرفتار

چونیاں،باغی ٹی(نامہ نگار) لیسکوسب ڈویژن ویسٹ الہ آباد کا مختلف علاقوں میں کریک ڈاؤن،ایک سو سے زائد بجلی چور رنگے ہاتھوں گرفتار،تھانہ الہ آباد میں 73جبکہ کنگن پور میں 37 بجلی چوروں کے خلاف مقدمات درج،بجلی چور معاشرہ کے ناسور ہیں انکے ساتھ آہنی ہاتھوں سے نمٹا جائے گا،صارفین کسی بھی قسم کی پریشانی سے بچنے کے لئیے ڈائریکٹ میرے دفتر میں آئیں جائز کام میں تاخیر نہیں ہو گی،ان خیالات کا اظہار حال ہی میں تعینات ہونے والے ایس ڈی او انجینئر محمد شکیل نے صحافیوں سے گفتگو کرتے ہوئے کیا انہوں نے بتایا کہ لیسکو سب ڈویژن ویسٹ الہ آباد نے رواں ماہ میں ایک سو سے زائد بجلی چوروں کو رنگے ہاتھوں گرفتار کیا ہے جنکے خلاف تھانہ الہ آباد اور کنگن پور مقدمات درج کروا دئیے گے ہیں بجلی چوری میں ملوث تمام افراد اورڈیفالٹرز کو یہ ہدایت جاری کی جا رہی ہے کہ اپنے محکمانہ واجبات کلئیر کروائیں بصورت دیگر انکے کنکشن منقطع کر دئیے جائیں گے انجینئر محمد شکیل کا مزید کہنا تھا کہ بجلی چوری میں ملوث افراد قومی چور ہیں انکے خلاف آہنی ہاتھوں سے نمٹا جائے گا جائز کام کے لئیے آنے والے صارفین کے لئیے میرے دروازے ہمیشہ کھلے ہیں بغیر کسی لالچ کے جائز کام کئیے جائیں گے انہوں نے تمام ملازمین کو بھی ہدایت جاری کر رکھی ہے کہ وہ سیفٹی قوانین پر عمل درآمد کو یقینی بناتے ہوئے صارفین کی خدمت میں کوئی کسر باقی نا چھوڑیں