شمالی علاقوں میں موسم سرما کی پہلی برفباری کا آغاز ہو گیا

0
85

آزاد کشمیر کی وادی نیلم ، وادی گریز اور گلگت بلتستان کے مختلف علاقوں میں موسم سرما کی پہلی برفباری کا آغاز ہوگیا ہے-

باغی ٹی وی: وفاقی دارالحکومت اسلام آباد سمیت مختلف شہروں و علاقوں میں ہونے والی موسلا دھار تیز بارش نے سردی کی شدت میں اضافہ کردیا ہے آزاد کشمیر کےمختلف علاقوں بھمبر، میرپور، ڈڈیال، چکسواری، جاتلاں اور منگلا میں بارش سے موسم مزید سرد ہو گیا۔

اسلام آباد میں دہشت گردی کا منصوبہ ناکام، 2 دہشت گرد گرفتار

محکمہ موسمیات کے مطابق کشمیر، گلگت بلتستان ، بالائی خیبر پختونخوا، اسلا م آباد اور بالائی پنجاب میں آئندہ 24 گھنٹوں کے دوران تیز ہواؤں اورگرج چمک کے ساتھ بارش، چند مقامات پر ژالہ باری اور بلند پہاڑوں پر برفباری کا امکان ہے۔ محکمہ موسمیات کے مطابق ملک کے دیگر علاقوں میں موسم خشک رہے گا۔

گلگت بلتستان کے ضلع دیا مر میں بارش اور برفباری کا سلسلہ وقفے وقفے سے جاری تھا کہ اچانک سیاحتی مقامات بابو سر ٹاپ اور گیٹی داس سمیت دیگر ملحقہ علاقوں میں شدید برفباری شروع ہوگئی جس کےبعد چلاس جھلکڈ روڈ جزوی طور پر ٹریفک کے لئے بند ہوگئی ہے-

جب کہ ناران میں بھی برفباری شروع ہونے سے قرب و جوار کے علاقوں کا موسم نہایت سرد ہو گیا ہے،چلاس شہر میں ہونے والی بارش سے خشک موسم میں کمی آگئی۔

گورنر سندھ کی نکاح نامے میں ختم نبوت حلف نامہ شامل کرنے کی تجویز

اس ضمن میں علاقائی انتظامیہ اور مقامی محکمہ موسمیات کی جانب سے خدشہ ظاہر کیا گیا ہے کہ بابوسر ٹاپ میں برفباری کے باعث گاڑیوں کی پھسلن کے خطرات موجود ہیں لہذا احتیاط برتی جائے۔

لوئر دیر کے ضلعی ہیڈ کوارٹر تمرگرہ شہر اور دیگر مضافات میں ہونے والی شدید بارش اور ژالا باری نے تباہی مچا دی ہے، اس کی شدت کا اندازہ اس بات سے لگایا جا سکتا ہے کہ تمرگرہ بازار میں ندی میں پیدا ہونے والی طغیانی کے باعث کار الٹ کر بہہ گئی ہے۔

لوئر دیر میں تیز بارش کی وجہ سے پانی تبلیغی مرکز میں داخل ہو گیا جس کی اطلاع ملتے ہی مقامی ضلعی انتظامیہ اور ریسکیو 1122 نے امدادی کارروائیوں کا آغاز کردیا ہے جب کہ موسم نہایت سرد ہو گیا ہے۔

لوئر دیر شہر اور گرد ونواح میں ہونے والی شدید ژالہ باری سے شہر کی سڑکوں پر سفیدی چھا گئی ہے اور موسم نہایت سرد ہو گیا ہے بونیر، بنوں، کاٹلنگ، رستم، نوشہرہ اورصوابی سمیت دیگرعلاقوں میں بھی ہونے والی تیز بارش و ژالہ باری سے موسم کی شدت میں اضافہ ہو گیا ہے۔

دراہمہ : جواریوں کے خلاف کریک ڈاؤن،37 جواری گرفتار اور جوإ پر لگی رقم 1 لاکھ 48…

Leave a reply