موٹر سائیکلوں کی نمبر پلیٹس کا وزن اور حجم زیادہ،مالکان پریشان

قصور
ایکسائز اینڈ ٹیکسیشن ڈیپارٹمنٹ سے جاری کردہ بڑے سائز کی نمبر پلیٹس باعث تکلیف،زیادہ وزن اور حجم کے باعث موٹر سائیکلوں کے مڈ گارڈز کو نقصان،سائز چھوٹا کرنے کا مطالبہ

تفصیلات کے مطابق گورنمنٹ آف پاکستان کے رول کے مطابق اپنی گاڑی و موٹر سائیکل وغیرہ کو رجسٹرڈ کروانا لازم ہے جس کے تحت شہری ایکسائز اینڈ ٹیکسیشن ڈیپارٹمنٹ سے اپنی گاڑی و موٹر سائیکل وغیرہ رجسٹرڈ کرواتے ہیں
ایکسائز اینڈ ٹیکسیشن ڈیپارٹمنٹ کی جانب سے گزشتہ چند سالوں سے دی جانے والی موٹر سائیکل کی نمبر پلیٹ موٹر سائیکل مالکان کیلئے تکلیف کا باعث ہے
زیادہ وزن اور حجم کے باعث ان نمبر پلیٹس کی وجہ سے قیمتی موٹر سائیکلوں کے مد گارڈز اور بیک لائٹس کا نقصان ہو رہا ہے جبکہ اس کے برعکس کاروں ٹرکوں کی نمبر پلیٹس کا سائز ان سے کم ہے
موٹر سائیکلوں کے مالکان نے ایکسائز اینڈ ٹیکسیشن ڈیپارٹمنٹ سے گزارش کی ہے کہ چند سال تک پہلے آنے والی نمبر پلیٹس کا وزن اور حجم بہت مناسب تھا لہذہ مہربانی کرتے ہوئے ایکسائز اینڈ ٹیکسیشن ڈیپارٹمنٹ پہلے جتنے وزن اور حجم کی نمبر پلیٹس جاری کرے