کراچی سمیت سندھ بھر میں موٹرسائیکل کی ڈبل سواری پر پابندی عائد

پاکستان سمیت دُنیا بھر کے اسلامی ممالک میں حضرت امام حسینؓ کا چہلم مذہبی جوش و جذبے اور ہم آہنگی کے ساتھ منایا جارہا ہے جبکہ کراچی سمیت سندھ بھرمیں موٹرسائیکل کی ڈبل سواری پر پابندی عائد کردی گئی ہے۔

باغی ٹی وی : موٹرسائیکل کی ڈبل سواری پر پابندی چہلم حضرت امام حسینؓ کے موقع پر عائد کی گئی ہے موٹرسائیکل کی ڈبل سواری پر پابندی کا باقاعدہ نوٹیفکیشن بھی حکومت سندھ کی ہدایت پر محکمہ داخلہ نے جاری کردیا ہے۔

صوبائی محکمہ داخلہ سندھ کی جانب سے جاری کردہ نوٹیفکیشن کے تحت ڈبل سواری پرپابندی کا اطلاق آج اور کل ہو گا صوبائی محکمہ داخلہ سندھ کا کہنا ہے کہ موٹرسائیکل کی ڈبل سواری پر پابندی دہشت گردی کے خدشات کے پیش نظر عائد کی گئی ہے۔

مرکزی امام بارگاہ اثناء عشریہ سے 11 بجے برآمد ہوگا

واضح رہے کہ ہر سال صفر کے مہینے میں حضرت امام حسینؓ کا چہلم منایا جاتا ہے جس پر مسلمانوں کا ایک طبقۂ فکر یعنی شیعان تو سختی سے کاربند ہیں جبکہ سنی حضرات اور دیگر مسالک اس کا احترام کرتے ہیں اور عام طور پر اس کے خلاف کوئی بات نہیں کرتے۔

کوئی مسلمان جب وفات پا جائے یا شہید ہوجائے تو اس کا تیسرا، دسواں یا چالیسواں دن منانا علمائے اہلِ سنت کے نزدیک ضروری نہیں ہے، پھر بھی چالیسواں منانے والوں کو خلافِ شریعت نہیں کہا جاسکتا جبکہ سبیلیں اور حلیم کی تقسیم ایصالِ ثواب کی غرض سے ہوتی ہے۔

28 ستمبر بروز منگل سرکلر روڈ سمیت دیگر سڑکیں بند ہونے کی اطلاع