fbpx

موٹروے پولیس نے مسافروں میں افطار پیکٹ اور ماسک تقسیم کئے

کمانڈنٹ موٹروے پولیس ٹریننگ کالج ڈی آئی جی محبوب اسلم کی ہدایت پر موٹروے پولیس ٹریننگ کالج کے افسران نے موٹروے ایم ٹو پر مسافروں میں افطار پیکٹ اور ماسک تقسیم کئے۔

تفصیلات کے مطابق موٹروے پولیس افسران نے ڈپٹی کمانڈنٹ موٹروے پولیس ٹریننگ کالج تیمور خان کی زیرِ نگرانی موٹروے راوی ٹال پلازہ، لاہور پر ایک خصوصی تقریب کا انعقاد کیا۔ تقریب میں ایک ہزار سے زائد افطار پیکٹ، ماسک اور ہینڈ سینیٹائزرز تقسیم کئے گئے۔ ڈی ایس پی افضل مجید، ڈی ایس پی ریاض احمد خان، چیرمین لائینز انٹرنیشنل کلب اور موٹروے پولیس کے افسران کی کشیر تعداد اس موقع پر موجود تھے۔

ڈپٹی کمانڈنٹ تیمور خان نے اس موقع پر بتایا کہ مسافروں میں ماسک، ہینڈ سینیٹائزرزاور افطار پیکٹ تقسیم کرنے کا مقصد لوگوں کو یہ ترغیب دینا ہے کہ وہ روڑ سیفٹی کے اصولوں اور ٹریفک قوانین پر کاربند ہو کر نا صرف اپنے سفر کو محفوظ بنائیں بلکہ کورونا وائرس سے متعلق تمام احتیاطی تدابیر اپنا کر اپنے آپ کو، اپنے گھر والوں کو او ر اپنے اردگرد تمام لوگوں کو محفوظ بنائیں۔

اس موقع پر روڑ یوزرز کو بریف کیا گیا کہ وہ تیزرفتاری سے پرہیز کریں بالخصوص سحری اور افطاری کے وقت اپنے اعصاب پر قابو رکھتے ہوئے تحمل سے ڈرائیونگ کریں

جواب چھوڑیں

آپ کا ای میل ایڈریس شائع نہیں کیا جائے گا.