موٹرویز پولیس اور ٹوٹل پارکو کی روڈ سیفٹی کے اہم معاملے پر اپنی پہلی ویڈیو جاری کی

روڈ سیفٹی کے پیغامات کو جدید اور موثر طریقے سے عوام تک پہنچانے کے لئے موٹروے پولیس ٹریننگ کالج شیخوپورہ اور ٹوٹل پارکو پاکستان کے درمیان معاہدے کے تحت قائم ہونے والے ورچوئل ٹریننگ سنٹر نے روڈ سیفٹی کے حوالے سے پہلی وڈیو جاری کر دی ہے، وڈیو میں دُوران ڈرائیونگ بلائنڈ سپوٹ کے حوالے سے مکمل آگاہی فراہم کی گئی ہے، بلائنڈ سپوٹ سے متعلق وڈیو کی افتتاحی تقریب میں کمانڈنٹ ٹریننگ کالج ڈی آئی جی محبو ب اسلم نے بطور مہمانِ خصوصی شرکت کی ہے، اس کے علاوہ ٹوٹل پارکوپاکستان کے سی ای اومحمت سیلیپوگلو، ٹوٹل پارکو کی سینیئر مینجمنٹ اورموٹروے پولیس کے دیگرافسران بھی اس موقع پر موجود تھے، قبل ازیں موٹروے پولیس اورٹوٹل پارکو میں ایک یاد داشت پر دستخط کئے گئے تھے. جس کی رُو سے ٹوٹل پارکو موٹروے پولیس کے ساتھ مل کر روٍڈ سیفٹی پر تربیتی وڈیوز بنائے گی.
کمانڈنٹ ٹریننگ کالج ڈی آئی جی محبوب اسلم نے بتایا کہ ٹوٹل پارکو کے اشتراک سے بنائی جانے والی ان وڈیوزمیں بلاینڈ سپوٹس، موٹرسائیکل سواروں کی سیفٹی، دورانِ سفر نیند آنے، ڈرائیونگ سے توجہ ہٹانے والے عوامل، محفوظ فاصلے، خراب موسم میں ڈرائیونگ، محتاط ڈرائیونگ اور روڈ سیفٹی کے دیگراہم اُصولوں پر خصوصی توجہ دی جائے گی، ان وڈیوز کوعام عوام کے علاوہ مختلف ایسے نجی اداروں کو بھجوانے اوروہاں پرموجود ڈرائیورز کی تربیت میں استمعال کے لئے اقدامات کئے جائیں گے جن میں وسیع تعداد میں ڈرائیورز موجود ہوتے ہیں، بچوں کیلئے بھی روڈ سیفٹی پرمبنی مختلف وڈیو گیمز بھی بنائی جائیں گی، تا کہ مستقبل کے ان ڈرائیورز کو کھیل کھیل میں روڈ سیفٹی کے اُصولوں سے آگا ہ کیا جائے، روڈ سیفٹی پر کام کرنا اس ادارے کا بُنیادی مقصد ہے اوروہ اسے انسانیت کی بہترین خدمت تصور کرتے ہیں، ٹوٹل پارکو جیسے اداروں کے تعاون سے ہی ہم اپنے عوامی خدمت کے معیارمزید بُلند کر سکتے ہیں، بلائنڈ سپوٹ پربننے والی وڈیوعوامی آگاہی کے لئے بہت اہم ہے، بہت جلد دوسرے اہم اُصولوں پر بھی معلوماتی وڈیوز بنائی جائیں گی، تا کہ عوام میں روڈ سیفٹی کا شُعور اُجاگر کیا جا سکے گا.