fbpx

مولانا فضل الرحمان سے امریکی سفارتخانے کے وفد کی ملاقات

مولانا فضل الرحمان سے امریکی سفارتخانے کے وفد کی ملاقات ہوئی ہے

ترجمان جے یوآئی محمد اسلم غوری کے مطابق امریکی وفد نے مولانا فضل الرحمان سے ان کی رہائش گاہ پر ملاقات کی ملاقات میں خطے کی صورت حال اور باہمی دلچسپی کے امور پر تبادلہ خیال کیا گیا،وفد میں پولیٹیکل قونصلر ،پولیٹیکل آفیسر اور پولیٹیکل اکنامک سیکشن چیف شامل تھے

قبل ازیں مولانا فضل الرحمان سے جماعت اسلامی کے رہنما لیاقت بلوچ کی بھی ملاقات ہوئی، مولانا فضل الرحمان سے پارٹی کے دیگر قائدین کی بھی ملاقات ہوئی، اس موقع پر مولانا فضل الرحمان نے ملاقات کرنیوالوں سے گفتگو کرتے ہوئے کہا کہ نااہل حکمرانوں نے عوام کو مہنگائی کے سوا کچھ نہیں دیا،حکمران ناکام ہو چکے ہیں حکمراں الیکشن کمشنر کو متنازعہ بنا رہے ہیں آزمودہ اور غیر متنازعہ انتخابی سسٹم کی بجائے الیکٹرانک ووٹنگ مشین کے ذریعے انتخابات پہ اصرار قومی اداروں کو دانستہ تنازعات میں الجھانے کی کوشش کی جارہی ہے۔پی ٹی آئی کی حکومت اپنے تین سالہ دور اقتدار میں ہمیشہ قومی اداروں کی ساکھ پہ گھٹیا حملے کرتی چلے آ رہے ہیںموجودہ حکمرانوں نے ثابت کر دیا ہے کہ واقعی بیرونی ایجنڈے پر کار فرما ہے جس کا منہ بولتا ثبوت موجودہ انسدادجبری تبدیلی مذہب بل ہے،