مولانا فضل الرحمان کے علاقے ڈیرہ اسماعیل خان میں آج نماز عید ادا

0
35

مولانا فضل الرحمان کے علاقے ڈیرہ اسماعیل خان میں آج نماز عید ادا

باغی ٹی وی کی رپورٹ کے مطابق پاکستان میں عید الفطر کل منا لی گئی تا ہم پی ڈی ایم کے سربراہ مولانا فضل الرحمان کے علاقے ڈیرہ اسماعیل خان کے کئی علاقوں میں آج عید منائی جا رہی ہے

ڈیرہ اسماعیل خان کے علاقوں بدنی خیل اور کتی خیل میں کل جمعرات کو عید کے دن روزہ رکھا گیا تھا اور آج عید منائی جا رہی ہے ان دونوں گاؤں کی مساجد میں شہریوں نے نماز عید ادا کی اور ایک دوسرے کو عید کی مبارکباد بھی دی، ان دونوں گاؤں کے شہریوں نے 30 روزے پورے کئے اور رویئت ہلال کمیٹی کے عید کے اعلان کو مسترد کر دیا تھا.

خبر رساں ادارے کے مطابق ڈیرہ اسماعیل خان کے دونوں گاؤں جہاں آج عید منائی جا رہی ہے تحصیل پہاڑ پور اور یونین کونسل وانڈہ خان محمد میں واقع ہیں۔ سابق ناظم ڈیرہ اسماعیل خان اسماعیل خاں کا اس حوالے سے کہنا ہے کہ دونوں گاؤں 900 گھروں پر مشتمل ہیں

واضح رہے کہ ڈیرہ اسماعیل خان مولانا فضل الرحمان کا آبائی علاقہ اور حلقہ انتخاب بھی ہے،.مولانا فضل الرحمان کل عید کر چکے ہیں اورقائدِجمعیت مولانا فضل الرحمان نے اپنے آبائی گاؤں عبدالخیل ڈیرہ اسماعیل خان میں عیدالفطر کی نماز پڑھائی اور خطبہ دیا،اس دوران امت مسلمہ وطنِ عزیز کی بقا اور سلامتی،خصوصاً فلسطین کے مسلمانوں کیلئے خصوصی دعا مانگی گئی

Leave a reply