مسلمان ربیع الاوٌل کے منتظر،مولاناانتشاراورخون خرابے کے متمنی،اکابرین اہلسنت والجماعت

اسلام آباد:مسلمان ربیع الاوٌل کے منتظر،مولاناانتشاراورخون خرابے کے متمنی،اسلام اورپاکستان عزیز،اکابرین اہلسنت والجماعت نے مولانا فضل الرحمن کی سوچ اور فکرسے برات کا اعلان کردیا ، سنی اتحاد کونسل کے سربراہ صاحبزادہ حامد رضا نے کہا ہے کہ مولانا فضل الرحمن نے آزادی مارچ کے وقت کا تعین مناسب نہیں کیا، ستائیس اکتوبر یوم سیاہ ہے اسی دن مہاراجے کشمیر پر قابض ہوئے تھے،

نیشنل پریس کلب میں پریس کانفرنس سے خطاب کرتے ہوئے انہوں نے کہا کہ پاکستان کو بنانے میں اہلسنت کے اکابرین نے اہم کردار ادا کیا تھا اور اس ملک کو مستحکم کرنا بھی ہماری ذمہ داری ہے۔ یہ دن کشمیری بھائیوں کے ساتھ اظہار یکجہتی کے طور پر منایا جانا چاہیے۔ اہل سنت جماعت مولانا کے مارچ اور دھرنے کی حمایت نہیں کررہی ۔

سنی اتحاد کونسل کے سربراہ صاحبزادہ حامد رضا نے کہا کہ ماہ ربیع الاول کی آمد نزدیک ہے جس کی وجہ سے ملک میں داخلی انتشار کی کیفیت پیدا ہو سکتی ہے، ان تمام باتوں کو مد نظر رکھتے ہوئے ہمیں بحثیت قوم یکجا ہو نا چاہیے۔مولانا کی سب کرتوتیں سامنے لانا چاہتے ہیں‌مگربدنامی اہلسنت کی ہوگی

حامد رضا نے کہا کہ سوشل میڈیا پر باتیں ہورہی ہیں کہ اہل سنت جماعت بھی اس دھرنے کی حمایت کر رہی ہے جبکہ اس میں کوئی صداقت نہیں ہے ۔انہوں نے کہا کہ اہل سنت نے ہمیشہ اپنے مذہب اور ملک کیلئے مثبت قدم اٹھائے ہیں جس میں قوم وملک کا کوئی نقصان نہ ہو۔انہوں نے مزید بتایا کہ 26 اکتوبر کو جناح کنونشن سنٹر میں استحکام پاکستان و اظہاریکجہتی کشمیر کے حوالے سے عظیم الشان کانفرنس کا انعقاد کیا جا رہا ہے جس میں پاکستان بھر سے مذہبی رہنما شرکت کریں گے۔

بھنگالی شریف کے سجادہ نشین پیرسید مخدوم عباس شا ہ نے کہاکہ بھارت کی جانب سے کشمیر میں اسی لاکھ لوگوں کو خوراک سے محروم کیا گیا ڈیڈ لاک کی کیفیت میں محصور رہے۔پریس کانفرنس میں پیر سید خالد سلطان، سیدمعصوم شاہ ودیگر رہنماؤں نے بھی شرکت کی۔