ایم کیوایم پاکستان نے بلدیاتی الیکشن کے بائیکاٹ پرغورشروع کردیا جبکہ جنرل ورکرز اجلاس میں کارکنان سے رائے طلب کی جائے گی
بلدیاتی الیکشن میں ہارکاخوف یامطالبات پورے نہ ہونے کا شکوہ، ایم کیوایم پاکستان نے بلدیاتی انتخابات کے بائیکاٹ پرغورشروع کردیا۔ ذرائع کے مطابق ایم کیوایم پاکستان کی رابطہ کمیٹی کے اراکین کا موقف ہے کہ بے اختیار بلدیاتی نمائندوں سے بہتر ہے کہ بلدیاتی الیکشن کابائیکاٹ کیا جائے۔
خواجہ اظہار الحسن نے بلدیاتی انتخابات کے بائیکاٹ کی کھل کرحمایت کردی ہے، بائیکاٹ کےحوالے سے ایم کیو ایم جنرل ورکرز اجلاس میں کارکنان سے رائے طلب کرے گی۔ یاد رہے کہ سندھ میں بلدیاتی انتخابات کے دوسرے مرحلے میں 15 جنوری کو کراچی اور حیدرآباد میں پولنگ ہونی ہے۔
مزید یہ بھی پڑھیں؛
حکومت کی جانب سے چینی برآمد کرنے کی اجازت نہ ملی تو مشکلات بڑھ سکتی ہیں
افواج پاکستان نے بذریعہ عسکری سفارتکاری عالمی سیاست میں توازن قائم کیا،آرمی چیف
ہمارے ساتھ بیٹھ کر پرویز الہیٰ نے عمران خان کو سلیس پنجابی میں ڈیڑھ سو گالیاں دی تھیں،خواجہ آصف کا انکشاف
30 سالہ نوجوان کوسفاک قاتلوں نے گھر میں گھس کرمعصوم بچوں کے سامنے گولیاں ماردیں
خیال رہے کہ اس سے قبل متحدہ قومی موومنٹ پاکستان نے سندھ میں بلدیاتی ملتوی کرنے کے لیے ہائی کورٹ میں درخواست بھی دائر کی تھی. ایم کیو ایم پاکستان نے جماعت اسلامی اور پی ٹی آئی کی بلدیاتی انتخابات کے التوا کے خلاف درخواستوں میں فریق بننے اور فوری الیکشن روکنے سے متعلق سندھ ہائی کورٹ میں درخواست دائر کی تھی.
ایم کیو ایم نے درخواست میں موقف اختیار کیا تھا کہ بلدیاتی انتخابات سے قبل قانونی پیچیدگیوں کا جائزہ لینا ضروری ہے، ہمیں بھی فریق بناکر سنا جائے، سپریم کورٹ کے حکم کے مطابق قانون سازی کے بغیر بلدیاتی ادارے بااختیار نہیں ہوسکتے، بلدیاتی قوانین میں ترامیم تک بلدیاتی الیکشن نہ کروائے جائیں اور کیس کا فیصلہ کرنے سے قبل ہمارا موقف بھی سنا جائے۔
Leave a reply
باغی ٹی وی پر شائع ہونے والی تمام خبریں ذرائع سے مصدقہ اور حقائق پر مبنی ہیں کسی بھی خبر کی تردید و توثیق ادارے کی طرف سے بروقت شائع کر دی جاتی ہے۔ باغی ٹی وی حق اور انصاف کے بول کے ساتھ درستگی اور اصلاح کے صحافتی اصول و ضوابط پر کاربند ایک ادارہ ہے.