*ایم کیو ایم کے عارضی مرکز (بہادرآباد) میں شہداء کے نام پر غدار وطن کے لئے دعائیں ہونے لگی*

متحدہ قومی موومنٹ پاکستان کے مرکز بہادر آباد سے متصل پارک میں ایم کیو ایم پاکستان کے لاپتہ اوراسیرکارکنان کیلے ایک دعائیہ اجتماع کا انعقاد کیاگیا۔جس میں ایم کیو ایم پاکستان کے کنوینرڈاکٹر خالد مقبول صدیقی،ڈپٹی کنوینرز کنورنوید،وسیم اختر،اراکین رابطہ کمیٹی، شعبہ جات کے ذمہ داران،لاپتہ اوراسیر کارکنوں کی فیملیزنے شرکت کی۔اس موقع پر ڈاکٹر خالد مقبول صدیقی نے آیت کریمہ کی دعائیہ تقریب سے خطاب کرتے ہوئے کہا کہ ہمارے لاپتہ کارکنان کی بازیابی ہم پر قرض ہے اور ہم ریاست پاکستان پر زور دیتے ہیں کہ کراچی کے نوجوان جو کافی طویل عرصے سے لاپتہ ہیں ان کی مائیں،بہنیں،اور معصوم بچے ان کے انتظار میں راہ تک رہے ہیں اگر ان کے خلاف کوئی مقدمہ درج ہے تو انھیں عدالتوں میں لایا جائے یقینا قانون اپنا راستہ خود بنائے گااور وہ سینکڑوں گھرانے جو اضطراب کی زندگی گزار رہے ہیں انھیں بھی سکون میسر ہوگا ہم وزیر اعظم پاکستان سے مطالبہ کرتے ہیں کہ سو سے زائد لاپتہ افراد کی بازیابی کیلئے اپنا کردار ادا کریں ہم اللہ تعالیٰ کے حضور دعاگو ہیں کہ لاپتہ افراد کی بازیابی جلد ممکن ہو سکے۔اس موقع پر رکن رابطہ کمیٹی ورکن قومی اسمبلی کشورزہرا نے شہداء واسیر کارکنان کے لواحقین سے خطاب کرتے ہوئے کہا کہ میری مائیں بہنیں یہاں موجود ہیں یہ اصل سلیوٹ کی حق دارہیں انکے صبر،ہمت اور بہادری نے دنیاکو حیران کردیا ہے جس صبر کے ساتھ یہ اپنے پیاروں کا انتظار کررہی ہیں،بچے اپنے باپ کی راہ تک رہے ہیں میں پروردگار سے دعا کرتی ہوں کہ اللہ تعالی ان تمام لوگوں کو اپنے پیاروں سے ملادے اور ہمارے بیمار قائد کو صحت یاب کرے۔

جواب چھوڑیں

آپ کا ای میل ایڈریس شائع نہیں کیا جائے گا.