ویب سیریز’مسٹر اینڈ مسز شمیم‘ رواں ماہ ریلیز کی جائے گی

پاکستان کے سینئیر اداکار نعمان اعجاز اور معروف اداکارہ صبا قمر کی ویب سیریز ’مسٹر اینڈ مسز شمیم‘ کو رواں ماہ 11 مارچ کو ریلیز کی جائے گی اس میں نعمان اعجاز اور صبا قمر میاں اور بیوی کے طور پر مرکزی کرداروں میں دکھائی دیں گے۔

باغی ٹی وی : ’مسٹر اینڈ مسز شمیم‘ میں نعمان اعجاز اور صبا قمر پہلی بار میاں اور بیوی کے روپ میں دکھائی دیں گے، جسے بھارتی اسٹریمنگ ویب سائٹ (زی فائیو) پر نشر کیا جائے گا زی فائیو نے ویب سیریز کا نیا پوسٹر شیئر کرتے ہوئے اسے 11 مارچ کو ریلیز کرنے کی تصدیق کی۔

She is fearless. He is delicate.
Yet Mrs. & Mr. Shameem's story is the one that will stand out for there is #NoLoveLikeThis! #MrsAndMrShameem, premieres 11th March on #ZEE5. pic.twitter.com/p8eguOwkm2

— ZEE5 (@ZEE5India) February 28, 2022

ہانیہ عامر کی’پردے میں رہنے دو‘ اورعمران اشرف کی ’دم مستم‘ کورواں برس عید الفطرپرریلیز کرنے کا اعلان

’مسٹر اینڈ مسز شمیم‘ کی کہانی شادی شدہ جوڑے کے رومانس، تعلقات اور ان کے درمیان پیدا ہونے والے چھوٹے چھوٹے اختلافات کے گرد گھومتی ہے۔

نعمان اعجاز اور صبا قمر کی ویب سیریز کی ہدایات کاشف نثار نے دی ہیں جبکہ ویب سیریز کی کہانی سجی گل نے لکھی ہے، جنہوں نے پہلے بھی کاشف نثار کے ہدایت کردہ بعض ڈراموں کی کہانیاں لکھی ہیں۔

نیٹ فلیکس کا پاکستانی ویب سیریز بنانے کا عندیہ

مذکورہ ویب سیریز کا پہلا نام من جوگی رکھا گیا تھا لیکن اب اس کا نام تبدیل کرکے اسے 11 مارچ کو پیش کردیا جائے گا۔

واضح رہے کہ ’مسٹر اینڈ مسز شمیم‘ سے قبل بھی زی فائیو پر پاکستانی ویب سیریز’چڑیل اور ایک جھوٹی سی لو اسٹوری‘ بھی ریلیز کی جا چکی ہیں جنہیں پاکستان سمیت بھارت میں خوب پذیرائی ملی تھی-

"دی کراؤن”کی شوٹنگ کےدوران لاکھوں ڈالرزکے نوادرات چوری ہونے کا انکشاف