مردان میں مکان کی چھت گرنے سے ایک خاندان پر قیامت صغرٰی ٹوٹ پڑی

مردان میں مکان کی چھت گرنے سے 3 بچے جاں بحق اور 5 افراد زخمی ہو گئے۔

باغی ٹی وی. بارش کے بعد ایک ہی خاندان کے کئی افراد زخمی ہو گئے. افسوس ناک واقع تحصیل تخت بھائی کے علاقہ سرور آباد جلالہ میں پیش آیا، بارش کے باعث غریب ڈرائیور دوست محمد کے مکان کی بو سیدہ چھت گر گئی۔ ملبے تلے 8 افراد دب گئے جس کی اطلاع ملنے پر ریسکیو ٹیم نے 5 افراد کو ملبے سے زندہ نکال لیا جبکہ 3 کمسن بچے موقع پر جان بحق ہوگئے۔

جاں بحق ہونے والوں میں 8 سالہ فائزہ، 4 سالہ ثناء جبکہ شیر خوار وقاص شامل ہے، ریسکیو کی میڈیکل ٹیم نے زخمیوں کو ابتدائی طبی امداد دیتے ہوئے تخت بھائی ٹی ایچ کیو ہسپتال منتقل کر دیا۔ زخمیوں میں 12 سالہ نعمت، 7 سالہ صبا، 2 سالہ آسمہ اور 6 سالہ عباس شامل ہیں