صاف پانی آلودہ کرنے والی فیکٹریوں کیخلاف بڑا فیصلہ آگیا

ہائیکورٹ کا زیر زمین صاف پانی آلودہ کرنیوالی فیکٹریوں کیخلاف کارروائی جاری رکھنے کا حکم، عدالت نے درآمدی میٹروں پر ڈیوٹی کم کرنے سے متعلق ایف بی آر سے رپورٹ بھی طلب کرلی۔

ذرائع کے مطابق جسٹس شاہد کریم نے واٹر کمیشن کی سفارشات پر عملدرآمد سے متعلق کیس کی سماعت کی۔ ایم ڈی واسا سید زاہدعزیز سمیت دیگر افسران پیش ہوئے۔ واٹر کمیشن کی جانب سے سید کمال حیدر ایڈووکیٹ نے رپورٹ عدالت میں پیش کی اور بتایا کہ ہاؤسنگ سوسائیٹیوں اور فیکٹریوں کے آلودہ پانی کی وجہ سے زیرزمین پانی خراب ہو رہا ہے۔

ذرائع کے مطابق لاہور شہر میں 42 فیکٹریوں میں سے 18 نے زیرزمین آلودہ پانی پھینکنے کا بیان حلفی دیا ہے۔سماعت کے دوران عدالتی حکم پر ایم ڈی واسا نے بھی پانی کے تحفظ کے حوالے سے تجاویز دیں، جس پرعدالت نے ایم ڈی واسا کی کارکردگی کی تعریف کی۔

ذرائع کے مطابق عدالت نے ایم ڈی واسا کو ہدایت کی کہ پانی کو محفوظ بنانے کے حوالے سے مزید تجاویز دیں۔ عدالت نے واٹرکمیشن کی سفارشات پر عملدرآمد کروانے والے اے سی کو سکیورٹی فراہم کرنے کا بھی حکم دیا۔