لاہور:کرکٹ کے میدان سے اہم خبرآگئی : محمد عامر اور حارث سہیل نے دورہ انگلینڈ کے لیے دستیابی سے معذرت کرلی،اطلاعات کے مطابق پاکستان کرکٹ بورڈ تصدیق کرتا ہے کہ فاسٹ باؤلر محمد عامر اور مڈل آرڈر بیٹسمین حارث سہیل نے نجی مصروفیات کی بناء پر دورہ انگلینڈ پر روانگی سے معذرت کرلی ہے.
محمد عامر نے اگست میں اپنے بچے کی پیدائش اور حارث سہیل نے فیملی وجوہات کی بناء پر دورے سے معذرت کی ہے.
پاکستان 28 کھلاڑیوں اور 14 پلیئر اسپورٹ اسٹاف کو انگلینڈ بھیجے گا. پاکستان اور انگلینڈ کے درمیان 3 ٹیسٹ اور 3 ٹی ٹونٹی میچوں پر مشتمل سیریز اگست اور ستمبر میں کھیلی جائے گی.
سیریز کے لیے اسکواڈ کا اعلان جلد کردیا جائے گا.
ادھربھارتی کرکٹ ٹیم نے کرونا وائرس کی وجہ سے دورہ سری لنکا ملتوی کردیا ہے
