fbpx

اداکار محسن عباس اپناکیس عوامی عدالت میں لے آئے ؛ سارے الزامات کی تردید کردی

لاہور:اداکار محسن عباس اپنا کیس عوامی عدالت میں لےاور اس وقت سوشل میڈیا پر اپنے اوپر لگائے جانےوالے الزامات کی تردید کررہے ہیں. اطلاعات کے مطابق محسن عباس حیدر نے سماجی رابطے کی ویب سائٹ انسٹاگرام پر اپنے وکیل کے ساتھ ایک ویڈیو شئیر کی ہے، جس میں انہوں نے بتایا کہ مجھ پر لگائے گئے سارے الزام بے بنیاد اور جھوٹے ہیں۔

انسٹا گرام پر اپنا موقف پیش کرتے ہوئے محسن عباس حیدر کا کہنا تھا کہ میری اہلیہ کی جانب سے عدالت میں میرے خلاف کوئی ثبوت پیش نہیں کیا گیا، نہ کوئی گواہ پیش کیا گیا اور نہ ہی اسپتال کا ریکارڈ پیش کیا گیا۔انہوں نے کہاثابت ہوا کہ ہم سرخرو ہوئے اور سارے الزام جھوٹے تھے، لیکن ایک افسوس رہے گا کہ میرے ساتھیوں نے، میڈیا نے اور مداحوں نے خبر کی تصدیق کیے بغیر مجھے غلط سمجھا اور ایک روتی ہوئی عورت کو سچا سمجھا۔

– ALHUMDOLILLAH – 🙏🏻

Gepostet von Mohsin Abbas Haider am Mittwoch, 28. August 2019

اداکار محسن عباس نے مزید کہا کہ ہر روتی ہوئی عورت سچی نہیں ہوتی، فیصلہ کرنے والی ذات اللہ کی ہے اور جیت ہمیشہ سچ کی ہوتی ہے۔دوسری جانب یہ خبریں گردِش کر رہی ہیں کہ ماڈل و اداکارہ نازش جہانگیر نے اپنی اور محسن عباس حیدر کی شادی کی پھیلنے والی خبروں کی تردید کی ہے۔ سوشل میڈیا پر ان کی اور محسن عباس حیدر کی شادی کے حوالے سے جاری خبریں من گھڑت اور بے بنیاد ہیں جس سے ان کا کوئی تعلق نہیں ہے۔