کراچی: پولیس کی مختلف کارروائیوں میں 8 ملزمان گرفتار،نامعلوم افراد کی گولی سے ایک بچہ ہلاک

0
20
karachi police

کراچی: پولیس نے پاپوش نگر اور کٹی پہاڑی پر ٹارگٹڈ کارروائیاں کرتے ہوئے 8 ملزمان کو گرفتار کرلیا۔

باغی ٹی وی: پولیس کے مطابق گرفتار ملزمان تخریب کاری، اسٹریٹ کرائم،گاڑی اور موٹرسائیکل لفٹنگ میں ملوث ہیں، گرفتارملزم محمد علی کھوسہ سے دستی بم، پرس اور نقد رقم برآمد کی گئی ہے، گرفتار ملزمان شعیب اور جنید سےمسروقہ موٹر سائیکل بھی برآمد کی گئی ہے۔

ملک کے مختلف شہروں میں کارروائیاں ،منشیات اور اسلحہ برآمد،ملزمان گرفتار

اس کے علاوہ ملزمان امان اللہ، جاوید، طلحہ، سہیل احمد اور فرمان سے اسلحہ اور موبائل فون برآمد کیے گئے ہیں۔

دوسری جانب کراچی کے علاقے رئیس امروہی کالونی میں نامعلوم سمت سے لگنے والی گولی سے بچہ ہلاک ہوگیا،8 سال کے عبداللہ کو گزشتہ روز سرپرگولی لگی تھی جو اسپتال میں زیرعلاج تھا لیکن وہ جانبر نہ ہوسکا،بچے کے اہل خانہ نے واقعے کا مقدمہ درج کرنے سے انکار کردیا تھا۔

کراچی:آگ لگنے سے 100 سے زائد جھگیاں جل گئیں،خاتون سمیت 2 بچے زخمی

پولیس کے مطابق فائرنگ میں ملوث افراد تک پہنچنےکی کوشش کررہےہیں۔

Leave a reply