fbpx

ملک میں آئندہ 24 گھنٹوں میں موسم کی صورتحال

ملک کے بیشتراضلاع میں موسم شدیدگرم اورخشک رہے گا،محکمہ موسمیات

باغی ٹی وی : محکمہ موسمیات کے مطابق ملک کے میدانی علاقے شدید گرمی کی لپیٹ میں رہیں گے جبکہ اسلام آباد میں گرمی کی شدت برقرار رہے البتہ رات کو گرج چمک کے ساتھ بارش کا امکان ہے -ڈیرہ غازی خان،ملتان اور بہاولپور میں بعد دوپہرگرد آلود ہوائیں چلنے کا امکان ہے-

آزاد کشمیر میں رات کو تیز ہواؤں اور گرج چمک کے ساتھ بارش متوقع ،گلگت بلتستان میں موسم گرم ،رات کو تیز ہواؤں اور گرج چمک کے ساتھ بارش کاامکان ہے-

علاوہ ازیں مانسہرہ اور ایبٹ آباد میں چند مقامات پر تیز ہواؤں اور گرج چمک کے ساتھ بارش کا امکان ہے-

خیبرپختونخو ا کے بیشتر اضلاع میں موسم گرم اور خشک رہے گا-

سندھ کے بیشتراضلاع میں موسم گرم اورخشک رہے گا، دادو، جیکب آباد، پڈعیدن ، موہنجو داڑو،روہڑی ، سکھراور لاڑکانہ میں بھی شدید گرمی رہے گی-

کراچی سمیت ساحلی علاقوں میں رات اور صبح کے اوقات میں بوندا باندی متوقع جبکہ بینظیر آباد،میر پور خاص، عمر کوٹ، تھر پارکر،خیر پور اورسانگھڑ میں گرمی کی شدت برقرار رہے گی-

بلوچستان کے بیشتر اضلاع میں موسم گرم اور خشک رہے گا تربت، پنجگور، چاغی، سبی اور کوہلو شدید گرمی کی لپیٹ میں رہیں گے-