ملک بھر میں عید الاضحی مذہبی جوش و جذبے سے منائی جا رہی ہے،مسلمان سنت ابراہیمی میں مصروف

0
34

اسلام آباد: ملک بھر میں عید الاضحی آج مذہبی جوش و جذبے سے منائی جا رہی ہے۔

باغی ٹی وی : دِن کا آغاز مساجد میں ملک کی ترقی و خوشحالی اور سلامتی کے لیے خصوصی دعاؤں سے کیا گیا نمازِ عید تمام بڑے شہروں اورقصبوں کی مساجد اور عید گاہوں میں ادا کی گئی جس کے بعد لوگ سنت ابراھیمی میں مصروف ہیں۔

صدر ڈاکٹر عارف علوی نے کراچی کی مسجد طوبیٰ میں نماز عید ادا کی جبکہ وزیراعظم شہباز شریف نے جاتی امرا میں نماز عید پڑھی، وزیر اعلیٰ پنجاب حمزہ شہباز نے وزیراعظم کے ساتھ ہی نماز عید ادا کی۔

امیر جماعت اسلامی سراج الحق نے منصورہ لاہور میں نماز عید پڑھائی جبکہ سابق وزیر خارجہ شاہ محمود قریشی نے ملتان اور ایم کیو ایم پاکستان کے کنوینر خالد مقبول صدیقی نے کراچی میں نماز عید پڑھی۔

نماز عید کے موقع پر عید گاہوں اور مساجد میں سکیورٹی کے انتہائی سخت انتظامات کیے گئے تھے، پولیس کے ساتھ رینجرز اہلکاروں کو بھی سکیورٹی پر تعینات کیا گیا تھا۔

نماز عید کی ادائیگی کے بعد مسلمان سنت ابراہیمی کی پیروی کرتے ہوئے جانوروں کی قربانی میں مصروف ہیں جبکہ الائشیں اٹھانے کے لیے بھی ٹیمیں تشکیل دے دی گئی ہیں۔

نواب شاہ، آصف علی زرداری نے زرداری ہاوس میں عیدالاضحیٰ کی نماز ادا کی،،سابق صدر نے کارکنوں کے ساتھ عید کی نماز ادا کی آصف زرداری نماز عید کے بعد کارکنوں سے عید ملے،پاکستان کی ترقی اور خوشحالی کے لئے دعائیں کی-

دوسری جانب وزیراعظم شہباز شریف نے عید کے دنوں میں صفائی کے انتظامات یقینی بنانے کی ہدایت کر دی۔

انہوں نے اپنے زیرصدارت اعلیٰ سطح اجلاس میں عوامی سہولت کے اقدامات اور عید کے دنوں میں صفائی کے نظام کا جائزہ لیا۔ اجلاس میں وزیراعظم کو صفائی کے انتظامات کے حوالے سے بریفنگ دی گئی۔

اس موقع پر وزیر اعظم نے کہا کہ واسا حکام مون سون بارشوں کے دوران نالوں کی صفائی یقینی بنائیں۔

وزیراعظم نے مری میں سیاحوں کی آمد پرٹریفک روانی برقرار رکھنے کیلئے حکمت عملی کی ہدایت کی اور کہا کہ عید کی چھٹیوں میں بارہ کہوسےمری تک فری شٹل سروس چلائی جائے۔

شہباز شریف نے غیرقانونی مویشی منڈیوں کی روک تھام کیلئےحکمت عملی بنانےکی ہدایت کرتے ہوئے کہا کہ عوام کی دہلیز سے آلائشیں اٹھانے کے عمل کو یقینی بنائیں۔

Leave a reply