fbpx

ملک بھر میں عید الفطر مذہبی جوش وجذبے کے ساتھ آج منائی جائے گی

ملک بھر میں عید الفطر آج مذہبی جوش وجذبے کے ساتھ منائی جائے گی۔

باغی ٹی وی : مرکزی رویت ہلال کمیٹی کے اعلان کے مطابق عیدالفطر آج یعنی منگل کو منائی جارہی ہے، وفاقی دارالحکومت اسلام آباد میں نماز عید کا سب سے بڑا اجتماع فیصل مسجد میں ہوگا لاہور میں نماز عید کا سب سے بڑا اجتماع تاریخی بادشاہی مسجد میں ہوگاجبکہ کراچی اورکوئٹہ سمیت ملک کے تمام شہروں اور قصبوں میں عید الفطر کے اجتماعات میں ملک کی سالمیت، ترقی اور بقاءکے لیے دعائیں کی جائیں گی ۔

اس کے علاوہ آزاد کشمیر اور گلگت بلتستان کے ساتھ ساتھ مقبوضہ کشمیر میں بھی عید الفطر روایتی مذہبی جوش وجذبے کے ساتھ منائی جائے گی مقبوضہ کشمیر، بھارت، بنگلا دیش اور سری لنکا میں بھی عیدالفطر منگل کو منائی جارہی ہے۔

واضح رہے کہ خیبر پختونخوا میں پشاور سمیت صوبے کے بعض علاقوں میں پیر کو عید الفطر منائی گئی خیبر پختونخوا حکومت کی جانب سے عید الفطر منانے کے اعلان کے بعد پشاور میں مختلف مقامات پر نماز عید کے اجتماعات ہوئے شہر کے مرکزی عید گاہ چارسدہ روڈ میں عید الفطر کی نماز ادا کی گئی۔ صوبے کے بعض دیگر شہروں میں بھی عیدالفطر کی نماز کے اجتماعات ہوئے۔

ملک میں دو عیدیں، وفاقی وزیر مذہبی امور کابیان کے پی حکومت کے موقف کی تائید؟

جبکہ سعودی عرب سمیت مشرق وسطیٰ کے ممالک میں 30 روزے مکمل ہونے کے بعد پیر کو عید الفطرمنائی گئی متحدہ عرب امارات، قطر، اومان اور اردن سمیت دیگر خلیجی ممالک میں بھی نماز عید کے اجتماعات ہوئے جبکہ فلسطین میں بھی عیدالفطرمذہبی جوش وجذبے کےساتھ منائی گئی، ہزاروں فلسطینوں نے مسجد الاقصیٰ میں نماز عید ادا کی یورپی ممالک برطانیہ، اسیین، فرانس اورجرمنی کے علاوہ ترکی میں بھی عید الفطر منائی گئی ۔

خیبر پختونخوا حکومت نے کل سرکاری سطح پر عید الفطر منانے کا اعلان کردیا