fbpx

ملک کے بیشتر اضلاع میں موسم گرم اور خشک رہے گا،محکمہ موسمیات

ملک کے بیشتر اضلاع میں موسم گرم اور خشک رہے گا،محکمہ موسمیات

باغی ٹی وی : محکمہ موسمیات کے مطابق شدید گرمی کے باعث ملک کے میدانی علاقوں میں بعد از دوپہر آندھی چلنے کا امکان ہے ،اسلام آباد میں مطلع جزوی ابرآلود رہے گا ،آندھی چلنے کے ساتھ بارش بھی متوقع ہے-

خیبر پختونخوا ، پنجاب، گلگت بلتستان اور کشمیرمیں گرج چمک کے ساتھ بارش کا امکان ہے جبکہ خیبر پختونخواکے بیشتر اضلاع میں موسم گرم اور خشک رہےگا-

محکمہ موسمیات کے مطابق بلوچستان کے بیشتر اضلاع میں موسم گرم اور خشک رہے گا، سبی، کوہلو، لسبیلہ ، تربت اور مکران میں موسم شدید گرم رہے گا-

پنجاب کے میدانی علاقوں میں بعد از دوپہر گرد آلود ہوائیں اورآندھی چلنے کا امکان ، خطۂ پوٹھوہار، سر گود ھا، فیصل آباد، منڈی بہاالدین میں بارش ہوگی-

گوجرانوالہ، نارووال، سیالکوٹ، گجرات اورلاہورمیں گرج چمک کے ساتھ بارش کا امکان جبکہ دادو، جیکب آباد، پڈعیدن ، موہنجو داڑو،روہڑی، سکھر، لاڑکانہ، میر پور خاص اور بینظیر آباد میں گرمی رہے گی-

سندھ کے بیشتر اضلاع میں موسم گرم اورخشک رہے گا،پشاور،مردان، کوہاٹ، بنوں،کرک،ٹانک،لکی مروت اور ڈی آئی خان میں گرمی رہے گی-

دیر، چترال ، سوات ،کوہستان، مانسہرہ، ایبٹ آباد اور کرم میں بارش متوقع ، علاوہ ازیں آزاد کشمیر اور گلگت بلتستان میں بھی چند مقامات پربارش کاامکان ہے-

جواب چھوڑیں

آپ کا ای میل ایڈریس شائع نہیں کیا جائے گا.