fbpx

ملک میں بجلی کا شارٹ فال 5 ہزار39میگاواٹ ہو گیا

ملک میں بجلی کا شارٹ فال 5 ہزار39 میگا واٹ ہوگیا ہے۔

ذرائع پاور ڈویژن کے مطابق ملک میں بجلی کا شارٹ فال 5 ہزار39 میگا واٹ ہوگیا۔بجلی کی مجموعی پیداوار 22 ہزار861 میگا واٹ ہے۔ملک میں بجلی کی طلب 27 ہزار 900 میگا واٹ ہے۔

پانی سے 6 ہزار 900 میگا واٹ بجلی پیدا کی جارہی ہے۔سرکاری تھرمل پلانٹس 1ہزار 105 میگاواٹ بجلی پیدا کررہے ہیں۔نجی شعبے کے بجلی گھروں کی مجموعی پیداوار 11 ہزار 221 میگا واٹ ہے۔

ذرائع پاور ڈویژن نے مزید کہا کہ ونڈ پاور پلانٹس 1ہزار90 میگا واٹ اور سولر پلانٹس سے پیداوار 120 ہے جبکہ بگاس سے چلنے والے پلانٹس 95 میگاواٹ بجلی پیدا کررہے ہیں۔ جوہری ایندھن سے 2 ہزار 330 میگاواٹ بجلی پیدا کی جارہی ہے۔ملک کے مختلف علاقوں میں8 گھنٹے تک بجلی کی لوڈشیڈنگ کی جا رہی ہے۔

علاوہ ازیں بڑے چھوٹے شہروں میں تقریباً ہر دو گھنٹے بعد ایک گھنٹے کے لیے بجلی کی بندش کا سامنا ہے۔ ملک کے دیہی علاقوں میں 24 گھنٹوں میں کل کتنی دیر بتی اور پنکھا چل رہا ہو گا اس کا اندازہ نہیں لگایا جاسکتا ہے۔

پاکستان کے بیشتر علاقے گرمی کی لپیٹ میں ہیں، گرمی کی اس شدت میں بجلی کی لوڈ شیڈنگ میں اضافے نے انھیں مزید پریشان کر رکھا ہے۔

تاہم دوسری جانب سیلابی صورتحال کے سبب بھی بہت سارے علاقوں میں بجلی فراہمی منقطع ہے